Төрeк мaтбугaтынa күзәтү - Törek matbuğatına küzätü 18.02.2022
18нчe февральдә бaсылып чыккaн кaйбeр төрeк гaзeтлaрынa күзәтү / 18nçe fevraldä basılıp çıqqan qayber törek gazetlarına küzätü
“Star” gazetı: “Ärdoğan UID citäkçelärenä möräcäğät itte: “Säyäsi mönäsäbätlärne tağın da üzgä räweştä üsteräçäkbez””
İlbaşı Räcäp Tayyip Ärdoğan kiçä telefonnan Awstriyadağı Xalıqara demokratlar berlege (UID) wäkillärenä möräcäğät itte. Ärdoğan yasağan çığışında: “Yuğarı däräcäle säyäsi mönäsäbätlärne bütänçä üsteräçäkbez”, - dip äytte.
“Xäbär Türk” gazetı: “Törek wäkillege İzrail İlbaşı idaräse häm tışqı êşlär ministrlığı räsmiläre belän küreşte”
İlbaşı idaräse süzçese İbrahim Qalın häm tışqı êşlär ministrı urınbasarı Sädat Önal citäkçelegendäge wäkillek kiçä İzrail İlbaşı idaräse häm tışqı êşlär ministrlığı räsmiläre belän küreşep söyläşte. Söyläşülär waqıtında İzrail İlbaşı İśxaq Gerśognıñ Törkiyägä yasayaçaq säfärgä äzerlek çaralarınıñ, ike yaqlı mönäsäbätlärneñ häm regional’ mäs’älälärneñ quzğatıluı belderelde.
“Watan” gazetı: “Êlemtä başlığı Altun: “Törkiyä – NATOnıñ geopolitik kiläçägeneñ üzägendäge il””
İlbaşı idaräseneñ êlemtä başlığı Fahrettin Altun Törkiyäneñ NATOnıñ geopolitik kiläçägeneñ üzägendäge il buluın äytte. Altun kiçä yasağan belderüendä: “Törkiyä ike qotıplı yäki küp qotıplı dönyanıñ zaruriyätläre öçen tügel, xalıqara sistemada iminlek häm totrıqlılıq simvolı buluı zarurlığı öçen NATOnıñ öleşe”, - dip äytte.
“Xörriyät” gazetı: “THY – oçış qurqınıçsızlığında iñ uñışlı hawa yulları”
Törek hawa yulları (THY) Awrupa grajdan aviaśiya qurqınıçsızlığı agentlığınıñ (EASA) SAFA (çit il hawa transportı iminlegen kontrol’ itü) programması qısalarında oçış qurqınıçsızlığında Awrupanıñ iñ uñışlı hawa yulı şirkätläre arasına kertelde.
“Yäni Şafak” gazetı: “BAHA kilä”
Törkiyä bolıt astında keşesez hawa apparatı (BAHA) öçen êşçänlegen tizlätte. Küp törle wazıyfalarda qullanıla alınaçaq cirle “BAHA”larnıñ êksport potenśialınıñ da yuğarı buluı belderelä.
