Törek matbuğatına küzätü 9.02.2022
9nçı fevral' könne çıqqan qayber törek gazetlarına küzätü
“Haber Türk” gazetı ilbaşı Ärdoğannıñ Al Nax’yan belän söyläşüe turında citkerä.
Törkiyä ilbaşı Räcäp Tayyip Ärdoğan kiçä Abu-Dabi täxet varisı, prinś şäyex Möxämmät Bin Zayed Al Nax’yan belän telefonnan söyläşte. Nax’yan koronavirus yoqtırğan Ärdoğanğa “uzğınçı bulsın” telägen citkerde
“Sabah” gazetı Çavuşoğlunıñ İzrail xaqındağı belderüen yaza.
Törkiyä tışqı êşlär ministrı Mäwlet Çavuşoğlu kiçäge belderüendä: “İzrail belän mönäsäbätlärebezdä yasalaçaq nindi dä bulsa adım Fälästin êşe xisabınnan bulmas. Andağı poziśiyäbez härwaqıt anıq,”-dide.
“Hürriyet” gazetı “Sälçuk Bayraktar maqsatnı belderde” dip yaza
Baykar saqlanu oyışması texnik mödire Sälçuk Bayraktar Azärbaycanda Bayraktar BT-2 häm keşesez hawa apparatların qarap totu häm qullanu tışında, êçendäge yuğarı texnologiyäne üsteräçäk iniśiativa kertergä uylawların xäbär itte.
“Star” gazetı yazğança, Törkiyäneñ Ayğa cibäreläçäk keşesez hawa apparatı tözeleş êtabında.
Törkiyä ğaläm agentlığı räise Särdar Xösäyen Yıldırım kiçäge belderüendä: “Bezne 2 yıl êçendä Ayğa alıp menäçäk keşesez hawa apparatı tözelä,”-dide.
“Yeni Şafak” gazetı “Törek awıl xucalığı tovarları 4 qıytğada ber milliardqa yaqın keşegä tanıtılaçaq” dip xäbär itä.
Törkiyä êksportçılar palatası ilneñ tovarları häm tarmaqlarınıñ dön’yadağı mäşhürlegen tağın da arttıru maqsatınnan BBC World News belän xezmättäşlek itä. Anıñ qısalarında media oyışması dokumental’ fil’m üzençälegendäge 3 material äzerläde. Alar yärdämendä Törkiyäneñ êksport tovarları 4 qıytğadağı 1 milliardqa yaqın tamaşaçığa citkereläçäk.
