Төрeк мaтбугaтынa күзәтү - Törek matbuğatına küzätü 04.02.2022
4нчe февральдә бaсылып чыккaн кaйбeр төрeк гaзeтлaрынa күзәтү / 4nçe fevraldä basılıp çıqqan qayber törek gazetlarına küzätü
“Xörriyät” gazetı: “Ärdoğan: “Krizisnıñ tınıç ısullar belän xäl iteläçägenä ışanabız””
İlbaşı Räcäp Tayyip Ärdoğan kiçä Ukraina Däwlät başlığı Vladimir Zelenskiy belän oyıştırılğan matbuğat oçraşuında, Ukraina-Rusiyä krizisına tuqtalıp uzıp: "Ukrainanıñ cir bötenlege häm xalıqara xoquq nigezendä Minsk kileşüe qısalarında tınıç ısullar belän xäl iteläçägenä çın küñeldän ışanabız”, - dip äytte.
“Star” gazetı: “Franśuz matbuğatı yazdı: “İlbaşı Ärdoğan ägär dä uñışqa ireşsä, anıñ köçe tağın da artaçaq””
Törkiyä Rusiyä-Ukraina krizisın çişü öçen adım yasağan bulsa, “France 24” kanalı İlbaşı Ärdoğan ägär dä uñışqa ireşsä, anıñ NATOdağı köçeneñ tağın da artaçağın belderde.
“Xäbär Türk” gazetı: “Törkiyä-Ärmänstan normal’läşterü barışında ikençe söyläşü 24nçe fevral’dä”
Tışqı êşlär ministrlığı Törkiyä häm Ärmänstan arasındağı normal’läşterü barışı qısalarında ike ilneñ maxsus wäkilläre arasındağı ikençe oçraşunıñ 24nçe fevral’dä Awstriya başqalası Venada uzaçağın citkerde.
“Watan” gazetı: “Qara diñgez gazı belän bäyle söyendergän alğarış”
Törkiyä neft’läre akśionerlıq cämğıyäte (TPAO) Qara diñgezdä tabılğan Sakariya gaz mäydanındağı “Türkali-1” bilgeläw qoyısında böten ağım testlarınıñ uñışlı tämamlanuın belderde.
“Sabah” gazetı: “Antaliyanıñ ğıynwar’ ayı turizmında 178%lıq artu”
Antaliyağa bıyıl ğıynwar’ ayında kilgän turist sanı, uzğan yılnıñ şuşı uq çorına qarağanda 178%qa artıp, 138 meñ 604 buldı.
