Törek matbuğatına küzätü 2.11.2021

”Yeni Şafak” gazetı  Törkiyä ilbaşı Ärdoğannıň “Baydennan F-16 oçqıçları belän täêmin itügä tiskäre qaraş kürmädem “ digän süzlären citkerä. Törkiyä ilbaşı Räcäp Tayyip Ärdoğan İtaliyädän qaytışlıy oçqıçta jurnalistlarğa Amerika Quşma Ştatları ilbaşı Djo Bayden belän oçaşuın bäyäläde. “Bezneň F-35 mäs’äläbez bar. Belgänegezçä, bez alar öçen 1 milliard 400 million dollar tülädek. Monıň belän bäyle räweştä F-16 oçqıçları belän täêmin itü turında söyläştek. Bu mäs’älädä annan tiskäre qaraş kürmädem” dide.

“Hürriyet” gazetı “İkençe cıyılış AQŞta uzaçaq” dip yaza.  

Anda äytelgänçä, F-35 konfliktın çişü häm finans mäs’äläläre turında söyläşü öçen Törkiyä belän  AQŞ saqlanu ministrlıqları arasında ikençe oçraşunı berniçä aydan Vaşingtonda ütkärü planlaştırıldı.

“Star” gazetı “Êksportta yaňa rekord” isemle xäbärendä yazğança, Törkiyä säwdä ministrı Mäxmät Muş oktyabr’ ayında êksportnıň uzğan yılnıň şul uq ayı belän çağıştırğanda 20,2%qa artıp 20,8  milliard dollarğa citüen häm mondıy kürsätkeç belän uzğan ayda terkälgän Cömhüriyät tarixındağı  iň yuğarı êksportnıň oktyabr’dä yaňartıluın belderde.

“Xäbär Törek” gazetı Törkiyä ênergetika häm tabiği çığanaqlar ministrı Fatix Dönmäzneň “Yaqınça 60 million miçkä neft’kä êkvivalent zapaslar ilebezdä” digän suzlären uquçıları belän urtaqlaşa. Ministr “Qara diňgezdäge tabi gaz açışı belän belän bergä 2021 nçe yılda cirdäge 26 açış ilebezgä yaqınça 60 million miçkä neft’ êkvivalent zapası kiterde” dide.

“Sabah” gazetı Törkiyädä turizm keremnäreneň artuı turında yaza.  

Törkiyä statistika oyıması mäğ’lümatlarına qarağanda, turizm keremnäre bıyılnıň öçençe kvartalında  uzğan yılnıň şul uq çorı belän çağıştırğanda 181,8%qa artqan häm 11 milliard 395 million 117 meň dollar täşkil itkän.