Төрeк мaтбугaтынa күзәтү - Törek matbuğatına küzätü 01.11.2021
1нчe ноябрьдә бaсылып чыккaн кaйбeр төрeк гaзeтлaрынa күзәтү / 1nçe noyabrdä basılıp çıqqan qayber törek gazetlarına küzätü
“Xäbär Türk” gazetı: “Törkiyä klimat krizisınıñ çişeleşendä äydäp baruçı buluda täwäkkäl”
İlbaşı Räcäp Tayyip Ärdoğan Törkiyäneñ, borınğı mädäniyätennän ilham alıp, yäşil üseş inqıylabın böten êşçänlekneñ üzägenä urnaştırıp, klimat krizisınıñ çişeleşendä äydäp baruçı häm aktiv rol’ne üz östenä aluda täwäkkäl buluın belderde. Ärdoğan: “Tabiğat’ne saqlaw – ilebezneñ töp östenlekle yünäleşläreneñ berse bulıp tora”, - dip äytte.
“Xörriyät” gazetı: “Ärdoğan: “Baydennı “F-16”lar mäs’äläsendä uñay kürdem”
Däwlät başlığı Ärdoğan Amerika Quşma Ştatları İlbaşı Djo Bayden belän söyläşüe waqıtında: “AQŞnıñ Süriyädä terror oyışmalarına kürsätkän yärdämnäre mäs’äläsendä borçıluıbıznı citkerdek”, - dip äytte. Ärdoğan “F-16” xärbi oçqıçları mäs’äläsendä “Baydennı uñaylı kürdem”, - dip äytep: “Söyläşü waqıtında bezdä bulğannarnıñ modernizaśiyası häm yaña “F-16”nıñ birelüe mäs’äläse quzğatıldı. Saqlanu ministrlarıbız barışnı küzätep bara”, - dip iskärtep uzdı.
“Yäni Şafak” gazetı: “Konteyner krizisı forsat buldı”
Törkiyä konteyner krizisı häm diñgez transportında artqan çığımnarğa qarşı Berläşkän Ğaräp Ämirlekläre häm Paqıstan belän “Yök maşinası xisabı”n ğamälgä kertte. Bu qısada Berläşkän Ğaräp Ämirleklärendäge Şarjah portınnan töyälgän yök maşinaları İrandağı Bender Abbas portına, annan avtoyul belän İskändärunğa kilep citte. Suêś kanalı qullanılğan yünäleş 20 kön däwam itkän bulsa, yaña marşrut 6-8 köndä uzıla. Paqıstannan isä 1 ay däwam itkän diñgez säyäxäte avtoyul belän 10-12 köngä kimede.
“Star” gazetı: “Törkiyä avtomobile turında dulqınlandırğıç yazma”
Törkiyäneñ avtomobile iniśiativa törkemeneñ sośial’ media akkauntlarında proyekttağı soñğı alğarışlar citkerelä. Törkemneñ “Twitter” akkauntınnan urtaqlaşılğan yazmada: “Maqsatlarıbıznı adım adım tormışqa aşırabız. Yaña liga säyäxätebez tizlegen aqrınaytmıça däwam itä”, - dip äytelde. Törkiyä maşinası 2022nçe yılnıñ soñğı çiregendä êşläp çığarılğanda Awrupanıñ tuıştan êlektrlı berençe “SUV”ı bulaçaq.
“Sabah” gazetı: “Ênergiyanı êzläw êşçänlege tizlänäçäk”
Taw sänäğäte tarmağında bıyıl berençe 8 ayda citeşterüne 20.9%qa arttırğan Törkiyä ênergetikada çit illärgä bäylelekne tağın da azaytu öçen kiläse yılda da bu ölkädäge êşçänlegen aqrınaytmıyça däwam itäçäk. Bu qısada ênergetikada çit illärgä bäylelekne kimetü maqsatınnan çığıp lignit belän bergä geotermal’ häm slaneś gazı kebek yuğarı potenśialı bulğan cirle çığanaqlarnı êzläw êşçänlege arttırılaçaq.
