Törek matbuğatına küzätü 25.10.2021

“Star” gazetı Karabax cirlegendäge yaña proyekt xaqında citkerä.

Törkiyä ilbaşı Räcäp Tayyip Ärdoğan soñğı 1 yıl êçendä öçençe tapqır Azärbaycanğa säfär yasayaçaq. Ul basıp aludan qotqarılğan Qarabax cirlegendä başqarılğan täwge zur proyekt Fizuli xalıqara aêroportı açılışında qatnaşa.

“Haber Türk” gazetı Xakkaridağı operaśiyä turında yaza.

Törkiyä êçke êşlär ministrı Söläyman Soylu Xakkarida 2 terrorçınıñ täêsirsez xälgä kiterelüen belderde. “Çukurca çige aşa ütep kergän 2 terrorçı jandarmeriyäneñ keşesez qorallı hawa apparatı, yaqınnan hawa yärdäme häm cir öste operaśiyäläre belän üle kileş qulğa töşerelde,”-dip yazdı ul.

“Sabah” gazetı Törkiyäneñ üz altınınnan berençe qoyılmanı qayçan yasayaçağın xäbär itä.

Törkiyä milli ênergetika häm qazılma baylıqlar säyäsäte qısalarında êşçänlegen däwam itä. “Awıl-xucalığına kredit häm qazılma baylıqlar investiśiyäläre” şirkäte idarä räise Fäxretdin Poyraz Biläcik töbäge Sögüt rayonında altın şaxtasındağı êş barışı xaqında mäğ’lümat birde. “2022nçe yılnıñ axırına qadär täwge altın qoyılmabıznı yasap törek iq’tisadın üsterergä telibez,”-dide ul.

 “Yeni Şafak” gazetı “Yuğarı tizlekle maqsatçan oçqıç sisteması “Yäşen” raketasına äwerelde” dip yaza.

İlbaşı idaräse saqlanu sänäğate räise İsmail Dämir Twitterda yazma belderü yasap TUSAŞ tarafınnan yasap çığarılğan yuğarı tizlekle maqsatçan oçqıç sistemasınıñ yıraq aralıqtağı nişannı bärüçe raketağa äwerelderelüen citkerde.

“Hürriyet” gazetı “Sienna fotografçılıq büläkläreneñ ciñüçese - törek fotograf Mäxmät Aslan” dip citkerä.

Sienna fotografçılıq büläkläre yarışında 163 däwlättän qatnaşuçılar buldı. Berençelekne törek sänğat’çese Mäxmät Aslan aldı. Ul töşergän “Tormış awırlığı” fotoräseme süriyäle ata belän ulın tasvirlıy.