Törek matbuğatına küzätü 19.10.2021
Qayber törek basmalarına küzätü
“Watan” gazetı yazğança Törkiyä ilbaşı Räcäp Tayyip Ärdoğan kiçä Angola däwlät başlığı Manuêl’ Gonçalves Lourenço belän oyıştırğan matbuğat oçraşuında Angoladan monnan alda qorallı häm qoralsız hawa apparatları taläbeneñ buluın, xäzer isä köbäle transport çaraları belän bäyle söyläşülär ütkärülären belderde.
“Xörriyät” basması beldergänçä Törkiyä ilbaşı Räcäp Tayyip Ärdoğan kiçä Angola Parlamentı Ğomum şurasında çığış yasadı.
Xäbärdä ilbaşınıñ tübändäge süzläre urın ala: “Bar keşelek yazmışın İkençe bötendön’ya suğışında ciñü yawlağan ber uç ilneñ insafına qaldırmasqa kiräklegen uylıybız.”
“Sabah” gazetı citkergänçä Kayseridağı Êrciyes Universitetında yasalğan cirle häm milli vakŝina bulğan Turkovak 2 doza vakŝina yasatuçılarğa xäterlätü dozası bularaq qadala başlandı. Kayserida ber üzixtıyarıyğa berençe tapqır Turkovak vakŝinası 3nçe doza bularaq yasaldı.
“Xäbär türk” basması xäbärenä kürä Antaliyağa bıyıl kilgän turist sanı 8 million 38 meñ 761 buldı. Açıqlanğan mäğlümatqa kürä ğıynwar ayınnan bügengä qadär Antaliyağa hawa yulı belän kilgän turist sanı uzğan yılnıñ şul uq çorına kürä 162%ka arttı.
“Star” gazetı yazğança Törki xezmättäşlek häm koordinaŝiya agentlığı TİKA Qırğızstanda Milli Kino studiosına arxivdağı fil’mlnarnı didjital’ğa äyländerü öçen yärdäm kürsätte.
Älege proyektka söyenüen beldergän Qırğızstannıñ Mädäniyät, informaŝiya, sport häm yäş’lär säyäsäte ministrı Azamat Camankulov: “Bu – bik möhim proyekt. Tarixi kön. Xäzer êlekke fil’mnarıbıznı didjital’ moxitta häm yaxşı sıyfatta qarıy alabız,” – dide.
