Törek matbuğatına küzätü 07.10.2021

“Yeni Şafak” gazetı yazğança Törkiyäneñ Milli küzläw oyışması 2012nçe yılda Xakkarineñ Dağlıca rayonında barlıqqa kilgän häm 8 ğaskär şähit bulğan höcümne oyıştıruçılar arasında PKK terrorçısı Özcan Yıldıznı Ğıyraqnıñ tön’yağındağı Gara töbägendä oyıştırılğan operaŝiyada täêsirsez xälgä kiterde.

“Xörriyät” basması beldergänçä Dön’ya bankı Törkiyä iqtisadınnan 2021nçe yılda kötkän 5%lık üseşne 8,5%ka üzgärtte.

“Sabah” gazetı xäbärenä kürä dön’yanıñ iñ yaxşı aêroportlarınnan berse bulğan İstanbul hawa mäydanı tağın ber qat maqtaldı.

Xäbärdän kürengänçä N’yu-York häm Londonda dön’ya kürüçe tanılğan säyäxät jurnalı Kond Nast Trêveler uquçıları dön’yanıñ iñ yaxşı aêroportları isemlegendä İstanbul hawa mäydanın ikençe bulıp sayladı.

“Xäbär türk” basması citkergänçä Törkiyäneñ Qazna häm finans ministrı Lütfi Êlvan kiçä Parijda Franŝiyaneñ İqtisad häm finans ministrı Bruno Le Meyr belän OECD İqtisadi qalqınu häm xezmättäşlek oyışmasınıñ Ministrlar Şurası cıyılışı qısalarında küreşep söyläşte. Lütfi Êlvan Tvitterda açıqlaw yasap, franŝuz ministrı belän xalıqara salım kön tärtibe, klimat üzgäreşe belän köräş säyäsätläre häm ike yaqlı xezmättäşlekne tağın da nığıtuğa qarağan näticäle cıyılış ütkärülären belderde.

“Star” gazetı yazğança Yavuz isemle zondaj köymäse neft’ häm tabiğıy gaz êzläw êşçänleklärendä qatnaşır öçen İstanbul buğazınnan uzıp, Qara diñgezgä yul tottı.