Төрeк мaтбугaтынa күзәтү - Törek matbuğatına küzätü 06.10.2021
6нчы үктәбрьдә бaсылып чыккaн кaйбeр төрeк гaзeтлaрынa күзәтү / 6nçı üktäbr’dä basılıp çıqqan qayber törek gazetlarına küzätü
“Yäni Şafak” gazetı: "İlbaşı Ärdoğannan Könçığış Urta diñgez yullaması"
İlbaşı Räcäp Tayyip Ärdoğan “Kriter” jurnalına yasağan açıqlawında Törkiyä bularaq xalıqara xoquqqa ixtiramlı buluların belderep: "Bez qarşı bulğan närsä – xalıqara xoquqqa sıltap bezgä quyılırğa tırışılğan ikelätä standart. Xäzer bezgä Könçığış Urta diñgezdä xoquqlarıbıznı saqlamasqamı? Östäl başında sızılğan kartalarnı qabul itärgäme? Yänäşäbezdä salınırğa tırışılğan terror koridorına qarşılıq birmiçä tamaşaçı bulıp qına qalırğamı? Älbättä, tamaşaçı bulıp qaluıbız mömkin tügel. Bu mäs’älädä xalıqara xoquq qısalarında zarur bulğannı yasadıq, başqarudan taypılmayaçaqbız”, - dip äytte.
“Star” gazetı: "Germaniya İlbaşı Steinmeierneñ Törkiyä turındağı açıqlawları"
Germaniya İlbaşı Frank-Walter Steinmeier töreklärneñ ileneñ ber öleşe buluın äytte. Steinmeier, Törkiyä belän Germaniya arasında “unikal’ mönäsäbät” buluına basım yasap: "Törkiyä säyäsi östenlege cähätennän dä Germaniyanıñ strategik ähämiyätle urtağı”, - dip iskärtep uzdı.
“Xäbär Türk” gazetı: "Akardan Greśiyağa dialog çaqıruı"
Milli saqlanu ministrı Hulusi Akar Törkiyä häm Greśiya arasındağı problemalar belän bäyle bularaq: "Bez problemalarnıñ xalıqara xoquqqa yaraşlı räweştä tınıç, kileşü yaqlı ısullar belän, yaxşı kürşe mönäsäbätläre qısalarında häm dialog belän xäl itä alaçağıbızğa ışanabız. Bez här räweştä dialog yaqlı”, - dip äytte.
“Xörriyät” gazetı: "Rusiyä turistları İstanbulnı sayladı"
Rusiyädän İstanbulğa bıyıl berençe 9 ayda 381 meñ 346 turistnıñ säyäxät itüe belderelep, Rusiyä turistlarınıñ İstanbulda yalnı ütkärü telägeneñ artuı citkerelde.
“Sabah” gazetı: "İstanbul hawa mäydanında tarixi mizgel"
Dön’yanıñ iñ zur aêroportları arasına kergän İstanbul hawa mäydanı dönyanıñ iñ zur yulçı oçqıçı “Airbus 380” häm dönyanıñ iñ zur yök oçqıçı “Antonov An-225 Mriya”nı ber’yulı qabul itte.
