Törek matbuğatına küzätü 28.09.2021

“Hürriyet” gazetı Ärdoğannıñ “Tağın da ğadel dön’ya bula ala” yullamasın citkerä.

Törkiyä ilbaşı Räcäp Tayyip Ärdoğan dön’yaküläm sistemanıñ inde çişeleş taba almawçı, ğadelsez, vöcdansız tözeleşeneñ, bigräk tä, koronavirus kizüe häm klimat üzgärü kitergän näticälär belän köräşüçe dön’yada tağın da yaxşıraq kürenä başlawın äytte. Ul ozaq waqıt “Dön’ya biştän zurraq” dip äytelgän global’ idarä sistemasındağı üzgäreş taläben “Tağın da ğadel dön’ya bula ala” dip ber adım alğa cibärülären belderde.  

“Haber Türk” gazetı Tön’yaq Kipr Törek cömhüriyäte ilbaşı Tatarnıñ belderülärenä urın birä.

Ärsin Tatar: “Suveren tigezlek häm tanılu – bezneñ xaqıbız häm bez moña isäp totabız,”-dide. Ul Kiprdağı törek xalqınıñ xoquqın saqlaw häm alğa cibärü yulları xaqında söyläşü öçen här forsatnı qullanaçaqların belderde.

“Yeni Şafak” gazetı Aliyevnıñ “Qarşığızğa Törkiyä çığar” digän süzlären citkerä.

Azärbaycan ilbaşı İlham Aliyev Qarabaxnı Ärmänstan okkupaśiyäsennän qotqaru öçen başlanğan suğışta ciñü yawlawda Törkiyäneñ öleşe zur buluın belderde. “Törkiyä bezneñ yanıbızda torıp döten dön’yağa tıqşınmasqa digän yullama birde, bu zur östenlek ide”-dide ul.

“Sabah” gazetı yazança, “Cirle vakśna Turkovak rekordqa äzerlänä”

Koronavirusqa qarşı uylap tabılğan cirle inaktiv vakśina Turkovaknıñ 3nçe faza êşçänlegennän bik uñay näticälär çığarılğannan soñ qullanuğa röxsät alu öçen äzerlek başlandı. Maqsat kiläse ay axırına qadär citeşterüne başlaw. Täwge êtapta könenä 300 meñ vakśina çığaru planlaştırıla.

“Star” gazetı Törkiyäneñ avtomobile TOGG xäbärlären citkerä.

Törkiyäneñ avtomobil’ iniśiativa törkeme TOGG sośial’ media aşa bik ähämiyätle yazma urtaqlaştı. Videoda Gemlik êşxanäsendä êşlärneñ böten köçendä däwam itüe kürenä. Ob’yekttağı üzgäreşlär dä qızıqsındıruçı. Sänäğat’ häm texnologiya ministrı Mostafa Varank: “2022nçe yıl axırında Törkiyäneñ avtomobileneñ seriyä citeşterü tasmasınnan töşüen küräçäkbez,”-dide.