Törek matbuğatına küzätü 23.09.2021
Qayber törek basmalarına küzätü
“Yeni Şafak” gazetı yazğança Törkiyä ilbaşı Räcäp Tayyip Ärdoğan Amerikan CBS televideniyesenä interv’yu birde.
Xäbärgä kürä AQŞnıñ äfğan qaçaqları mäs’äläsendä kübräk cawaplılıq aluı zarurlığın beldergän Ärdoğan: “AQŞ anda 20 yıl buyı ni öçen bar, başta moña cawap birüe kiräk,” – dide.
“Xäbär türk” basması Törkiyäneñ tışqı êşlär ministrı Mäwlüt Çavuşoğlunıñ Äfğanstan temalı G20 Tışqı êşlär ministrları cıyılışında äytkän süzlären uquçıları belän urtaqlaşa: “Xalıqara cämğıyät’ Äfğanstan belän êlemtäsen özmäskä tiyeş.”
Xäbärdän kürengänçä Berläşkän Millätlär Oyışmasınıñ 76nçı Ğomüm şura söyläşüläre qısalarında arakanlı möselmannarnıñ wazğıyäte belän bäyle oyıştırılğan onlayn cıyılışta da çığış yasağan Çavuşoğlu tübändägeçä citkerde: “Roxinca möselmannarın yalğız qaldırmayaçaqbız.”
“Xörriyät” gazetı beldergänçä İlbaşı süzçese İbrahim Qalın Amerika Quşma Ştatlarınıñ Milli iminlek kiñäşçese Djeyk Sallivan belän Aq Yortta küreşep söyläşte.
Söyläşüdä ike yaqlı mönäsäbätlär, koronavirus häm dön’yaküläm klimat üzgäreşe belän ber rättän Äfğanstan, Süriyä, Ğıyraq, Liviya, Kipr, Könçığış Urta diñgez häm qalğan regional’ täraqqıyät’lär qaraldı.
“Sabah” basması citkergänçä Tön’yaq Kipr Törek Cömhüriyäte däwlät başlığı Êrsin Tatar Törkiyä ilbaşı Räcäp Tayyip Ärdoğannıñ 76nçı BMO Ğomüm şurasında Kipr mäs’äläsendä yasağan yullamaları belän bäyle bularaq: “Xörmätle ilbaşı Ärdığan xalıqara cämäğat’çelekkä bu mäs’älädä çaqıru yasap, bezneñ tawışıbız häm köçebezgä äylände,” – dide.
Xäbärgä kürä däwlät başlığı Êrsin Tatar Kipr mäs’äläseneñ çişeleşendä tiñ möstäqıyl’lekneñ berdänber yul buluın belderde.
“Watan” gazetı yazğança TEKNOFESTnıñ İdarä şurası başlığı Selçuk Bayraktar qatlanuçı qanatlı häm qısqa yıraqlıqta kütärelep kitü-töşep utıru üzençälegenä iyä, meñnärçä çaqrımğa iyärçen kontrole belän oça aluçı Bayraktar TB3 qorallı keşesez hawa apparatınıñ berençe tapqır 2022nçe yılda oçırtılaçağın äytte.
“Dön’yanıñ da yünäleşen üzgärtkän keşesez xärbi oçqıçıbıznı da yasıybız,” – digän Selçuk Bayraktar robot keşesez hawa apparatları yasawlarına da iğtibarnı cälep itep, bu proyektlarnı inqıylab bularaq bäyäläde.
