Төрeк мaтбугaтынa күзәтү - Törek matbuğatına küzätü 17.09.2021
15нчe сентябрьдә бaсылып чыккaн кaйбeр төрeк гaзeтлaрынa күзәтү / 15nçe sentyabrdä basılıp çıqqan qayber törek gazetlarına küzätü
“Xäbär Türk” gazetı: “İlbaşı Ärdoğannan açıqlawlar”
İlbaşı Räcäp Tayyip Ärdoğan kiçä yasağan belderüendä: "Dön’yanıñ iñ yuğarı üseş sannarına bez ireştek. Êksportta ber-ber atlı rekord quyabız. Êş belän täêmin itü kizügä (“Kovid-19”ğa) qadär çordan da arttı”, - dip äytte.
“Xörriyät” gazetı: “Törek hawa yulları – dönyadağı iñ yaxşıları arasında”
Törek hawa yulları (THY), “Travel + Leisure” jurnalınıñ uquçılarınıñ tawışları belän ütkärelgän anketada dönyanın iñ yaxşı 10 hawa yulı arasında kürsätelde.
“Sabah” gazetı: “Törkiyäneñ yaña yözem êksportı 22%qa arttı”
Törkiyäneñ yaña yözem êksportı 1nçe ğinwar’-14nçe sentyabr’ aralığında monnan aldağı yılnıñ şuşı uq çorına qarağanda 22%qa arttı. Ägäy êksportçılar berleklärennän yasalğan belderügä kürä, yaña yözem êksportınnan alınğan miqdar 2020nçe yılnıñ 1nçe ğinwar’-14nçe sentyabr’ aralığında 63 million dollar bulsa, 2021nçe yılnıñ şuşı uq çorında 22%lıq artu belän 77 million dollarğa kütärelde.
“Watan” gazetı: “AQŞtan Törkiyä belderüe: Qatar belän bergä tırışlıq kürsätäbez”
Amerika Quşma Ştatları däwlät departamentı süzçese Ned Prays Qabul hawa mäydanınnan çarter oçışları belän ber rättän daimi reyslarnıñ da başlawı öçen Törkiyä belän Qatarnıñ tırışlıq kürsätüen belderde.
“Star” gazetı: “Galatasaray 1-0 Lazio”
UEFA Awrupa Ligasınıñ törkem matçında Törkiyä wäkile “Galatasaray” üz mäydanında İtaliyanıñ “Lazio” taqımın qabul itte. Törkiyä komandası matçta köndäşen 1-0 isäbe belän uzdı.
