Törek matbuğatına küzätü 02.09.2021

“Hürriyet” gazetı Törkiyäneñ iñ tiz üsüçe 2nçe iq’tisad buluı turında yaza.

İlbaşı Räcäp Tayyip Ärdoğan, kiçä belderü yasap, Törkiyä iq’tisadınıñ ikençe çirektä 21,7%qa zurayuın xäterlätte. Şulay itep, il dön’yada iñ tiz üsüçe 2nçe däwlät buldı.

“Sabah” gazetı Çavuşoğlunıñ Serbiya parlamentı räise Daçiç belän oçraşuın citkerä.

Törkiyä tışqı êşlär ministrı Mäwlet Çavuşoğlu Serbiyägä säfäre qısalarında ilneñ parlament spikerı İviśa Daçiç belän oçraştı. Çavuşoğlu soñınnan sośial’ mediada “Mönäsäbätlärebezneñ parlamentar yağına ähämiyät biräbez” dip yazdı.

“Vatan” gazetı Törkiyä milli saqlanu ministrı Xulusi Akarnıñ belderüe belän urtaqlaşa.

Ul Äfğanstannan êvakuaśiyälär mäs’äläsendä kiçä bolay dip citkerde: “Törek ğaskäre, bügengä qadär missiyä başqarğan barlıq cirleklärdäge şikelle, Äfğanstanda da ata-babalarına, şanlı tarixına kileşä torğan itep xezmät quydı. Äfğan xalqınıñ küñelen yawlap häm dön’yadağı tınıçlıqqa öleş kertüneñ ğorurlığı belän saw-sälamät watannarına qayttılar”.

“Haber Türk” gazetı İstanbul aêroportınıñ yaña qazanışı turında citkerä.

Ob’yekt  Hawa transportı tikşerenüläre cämğıyäteneñ 40 millionnan artıq yulçı yörtü kategoriyäsendä “Awrupanıñ iñ  êffektiv aêroportı” isemenä layıq buldı.

“Star” gazetı “Törkiyä dön’yada berençe 10 däwlät arasında” dip yaza.

Törkiyä uzğan yıl faydalanuğa alğan 2 meñ 500 megavatt gidroêlektr ênergiyäse belän dön’yada bu mäydanda iñ yuğarı kürsätkeçkä iyä berençe 10 däwlät arasına kerde. İyül’ axırına Törkiyäneñ gidroêlektrostanśiyä quäte 31 meñ 436 megavattqa citte.