Törek matbuğatına küzätü 16.08.2021

“Xörriyät” gazetı yazğança Törkiyä ilbaşı Räcäp Tayyip Ärdoğan İstanbulda oyıştırılğan ber tantanada çığış yasap: “Äfğanstanda qısqa waqıtta totrıqlılıq urnaştıru öçen härtörlek tırışlıqnı quyaçaqbız, bu mäs’älädä Paqıstan belän dä xezmättäşlek başqaraçaqbız,”- dide.

“Yeni Şafak” basması beldergänçä Törkiyä ilbaşı Räcäp Tayyip Ärdoğan İstanbuldağı Diñgez arsenalı ciäkçelegendä oyıştırılğan tantanada Törkiyäneñ saqlanu sänägätendäge çit illärgä bäylelekne 80%lardan 20%ka töşerüen äytep: “Saqlanu sänägäte ölkäsendä dön’yanıñ berençeläre arasında bulaçaqbız,” – dide.

“Watan” gazetı xäbärenä kürä İskeşähärdäge Texnik Universitetı tarafınnan êşlätelüçe häm 2007dä alğan êşlätü röxsätü belän dön’yada berençe, Törkiyädä isä berdänber universitet aêroportı bularaq tarixka kergän Xäsän Polatkan hawa mäydanı yılda 100 meñ yulçığa xezmät kürsätä.

Xäbärgä kürä biredä Bel’giya, Germaniya, Franŝiya, Niderland belän xac häm keçe xac säfärläre dä başqarıla.

“Sabah” basması citkergänçä Törkiyä ğıynwar-iyul’ çorında başqarğan 1 milliard 638 million dollarlık ciläk-cimeş häm yäşelçä êksportınıñ 32%ı Rusiyägä çınğa aşırıldı. Bu ilgä 526 million 818 meñ dollarlık êksport yasaldı.

“Star” gazetı yazğança törek astronom-fotografı Dr. Mäxmät Xakan Özsaraç Xabl ğaläm teleskopı töşergän êşkärtelmägän räsemgä tös kertte. Räsem NASA tarafınnan “Dön’yada astronomiya fotoräseme” saylanıp, internet säxifäsenä quyıldı.