Törek matbuğatına küzӓtü 13.08.2021

“Sabah” gazetı yazğança Törkiyä ilbaşı Räcäp Tayyip Ärdoğan Bartın, Sinop hӓm Kastamonu belӓn ber rӓttӓn Qara diñgezdӓ barlıqqa kilgӓn su basu fӓlӓkӓten yaqınnan küzӓtӓ hӓm afӓt kürelgӓn töbӓklӓrneñ cirle idarӓ başlıqları belӓn telefonnan söylӓşte. Törkiyӓ ilbaşı dӓwlӓtneñ barlıq mömkinleklӓren mobilizaśiyalӓwen belderde.

“Xörriyӓt” basması beldergӓnçӓ Milli saqlanu ministrı Xulusi Akar Ӓfğanstandağı aêroportnıñ êşlӓtelüe belӓn bӓyle bularaq: “Kilӓse könnӓrdӓ bu mӓs’ӓlӓgӓ tögӓllek kertӓçӓkbez. Bez berniçek tӓ törek ğaskӓrilӓren qurqınıç astına quya almıybız,” – dide.

“Yeni Şafak” gazetı xӓbӓrenӓ kürӓ Törkiyӓneñ tışqı êşlӓr ministrı yӓrdӓmçese Faruk Kaymakçı Awstriya êçke êşlӓr ministrı Karl Nexammernıñ qaçaqlar mӓs’ӓlӓsendӓ Törkiyӓne provokaśiyada ğayeplӓwenӓ reaksiya kürsӓtep, Awrupa Berlegen qaçaqlar ağımına qarşı bergӓ êş başqarırğa çaqırdı.

“Xӓbӓr türk” basması Törkiyӓneñ Awıl hӓm urman xucalığı ministrı Bekir Pakdemirlineñ Törkiyӓdӓge barlıq yanğınnarnı kontrol’ astına aluların ӓytüen yaza.

Ministr kiçӓ açıqlaw yasap: “Afӓttӓ ğaziz millӓtebez belӓn urmannarıbız öçen berdӓm buldıq. Barlıq yanğınnarnı sünderdek,” – dide.

“Star” gazetı citkergӓnçӓ Sӓnӓgӓt’ hӓm texnologiya ministrı Mostafa Varank yuğarı texnologiyale citeşterüdӓ kürelgӓn aylıq hӓm yıllıq bazadağı artışlarnıñ sӓnӓgӓt’tӓge üzgӓreş hӓm sıyfat üsterü cӓhatennӓn ӓhӓmiyӓtenӓ iğtibarnı cӓlep itep: “Citeşterep, üseşne dӓwam itterӓçӓkbez,” – dide.