Törek matbuğatına küzätü 15.04.2021
Qayber törek basmalarına küzätü
“Xörriyät” gazetı yazğança Törkiyä ilbaşı Räcäp Tayyip Ärdoğan kiçä “Kitapxanä äñgämäläre” isemle çara qısalarında Millät Kitapxanäsendä yäş’lärneñ sorawlarına cawap birde.
Xäbärgä kürä Ärdoğan Kanal İstanbul proyektı belän bäyle bularaq: “Biredä üz bäysezlegebez, möstäqıyl’legebez buldırılğan äsär qazandırabız,” – dide.
“Xäbär türk” basması beldergänçä Törkiyä tışqı êşlär ministrı Mäwlüt Çavuşoğlu kiçä açıqlaw yasap: “Misır belän mönäsäbätlärdä yaña çor başlana, ike yaqlı säfärlär dä, söyläşülär dä bulır,” – dide.
“Yeni Şafak” gazetı citkergänçä Niderlandağı Bäysezlek partiyase liderı rasaçıl Gert Vildersnıñ “İslamnı häm Ramazannı tuqtatığız” açıqlawına reakŝiya beldergän Törkiyäneñ Êlemtä idaräse başlığı Faxrettin Altun tübändägeçä citkerde: “Yöräksez Vilders êkstremizm, rasaçılıq, qırıslıq häm faşizmnı wäkillek itä. İslam bolarnıñ barısın da ğayepli.rasaçılıqnı tuqtatığız!”
“Star” basması xäbärenä kürä Törkiyäneñ êçke êşlär ministrı Söläyman Soylu Diyarbakırda 5 watandaş häm 1 jandarmeriya xezmätkären şähit itkän 2 terrorçınıñ täêsirsez xälgä kiterelüen belderde.
“Sabah” gazetı yazğança Ğomüm ştab başlığı Armiya generalı Yaşar Güler kiçä Amerika Quşma Ştatlarınıñ Ğomüm ştab başlığı Armiya generalı Mark Milley belän telefonnan söyläşte. Söyläşüdä könüzäk täraqqıyät’lär xaqında fiker alışıldı.
