Törek matbuğatına küzätü 14.04.2021
14 nçe aprel' könne basılıp çıqqan qayber törek gazetlarına küzätü
”Yaňa Şafak” gazetı Törkiyӓ ilbaşı Rӓcӓp Tayyip Ӓrdoğannıň ildӓ koronavirus oçraqları artu sӓbӓple kertelӓçӓk yaňa çaralar xaqında belderü yasawı turında yaza. Ul 15 könlek çiklӓw çaralarınıň qatğıylandırıluın , komendant sӓğӓteneň şimbӓ -yӓkşӓmbe könnӓrendӓ dӓwam itӓçӓgen, atna êçendӓ 19 sӓğӓt’tӓn irtӓnge 5 kӓ qadӓr bu rejimnıň ğamӓldӓ bulaçağın, şӓhӓrara sӓyӓxӓtlӓrneň mӓcbüri xӓllӓrdӓn tış tıyılaçağın belderde.İlbaşı bu çaralar belӓn yaxşıru küzätelmägän oçraqta tağın da kisken çaralar kürelӓçӓgen dӓ kisӓtte.
”Xörriyӓt” gazetı Ӓfganstandağı tınıçlıq barışına qağılışlı cıyılışnıň 24 nçe aprel’ – 4 nçe may könnӓrendӓ İstanbulda ütkӓrelӓçӓge turında xӓbӓr itӓ. Tışqı êşlӓr ministrlığı beldergӓnçӓ, konferenśiyӓneň töp maqsatı – ğadel hӓm dӓwamlı sӓyӓsi çişeleş tabu öçen Doxada dӓwam itkӓn söylӓşülӓrne tizlӓtü hӓm tulılandıru.
”Star” gazetı Törkiyӓneň 1 milliard yevronı uzıp kitkӓn cirdӓge cil ênergiyӓse investiśiyӓlӓre belӓn 2020 nçe yılda Awrupada iň küp investiśiya kertkӓn illӓr isemlegendӓ berençe bişlektӓ urın aluın uquçıları belӓn urtaqlaşa.
”Vatan“ gazetı NASA oyıştırğan “Dönya turnirı” isemle onlayn xalıqara fotobӓygedӓ Törkiyӓdӓge Van küleneň ğalӓmnӓn töşerelgӓn rӓsemeneň berençe urınnı yawlawı turında yaza. 2016 nçı yılnıň sentyabrendӓ astronavt Keyt Rubins töşergӓn foto öçen “Dönyanıň iň zur soda küllӓrennӓn berseneň ber öleşen çağıldıra” diyelӓ.
”Sabah” gazetı yazğança, rusiyӓlelӓr yal itü öçen östenlek birgӓn Törkiyӓgӓ oçışlarnı çiklӓwgӓ borçıluların belderde.Alar sośial’ mediada reakśiyӓlӓren citkerep qararnıň ğamӓldӓn çığarıluı öçen imza kampaniyası da başlatıp cibӓrde.
