Törek matbuğatına küzätü 13.04.2021

“Yenişafak” gazetı  “Liviyägä yärdämebez däwam itäçäk” dip yaza.

İlbaşı Räcäp Tayyip Ärdoğan Törkiyä belän Liviya arasında imzalanğan kileşülärdän soñ Liviya xökümäte räise Abdulxämit Dibäybä belän urtaq belderü yasadı.  “Liviya belän diñgez wäqaläte mäydannarı xaqında imzalanğan üzara kileşü memorandumı 2 däwlätneñ milli mänfäğate häm kiläçägen garantiyäli,”-dide Ärdoğan.

“Vatan” gazetı Misırnıñ Törkiyä belän bäyle belderüen citkerä.

Misır tışqı êşlär ministrı Samix Şukri ileneñ Törkiyä belän ike yaq öçen dä faydalı bulaçaq dialog häm xalıqara xoquq qağıydälärenä turı kilüçe mönäsäbätlär qorırğa teläwen belderde.

“Sabah” gazetı citkergänçä, “Dön’yadağı iñ köçle armiyälär bilgele buldı”.

Här yıl dön’yadağı illärneñ xärbi köçlären tikşerep bäyä birüçe “Global Firepower” şirkäte 2021nçe yılğı isemlekne täq’dim itte. Soñğı yıllarda keşesez hawa apparatları texnologiyäsendä zur üseşkä ireşkän Törek qorallı köçläre anda 11nçe urında.

“Hürriyet” gazetı “Hürjet montajğa äzerlänä” dip xäbär itä.

Törek aviaśiya häm ğaläm sänäğate oyışmasınnan belderülärençä, cirle öyränü oçqıçı Hürjetnıñ detal’lären yasaw başlandı. Yıl axırında montaj êşçänlegenä kereşergä uylıylar.  

“Star” gazetı “Törek hawa yulları Awrupada liderlığın taşlamıy” dip yaza.

Awrupa avianavigaśiya qurqınıçsızlığı oyışmasınıñ 4nçe aprel’dän 11enä qadär oçış xisabına qarağanda, Törek hawa yulları köndälek urtaça 779 säfär belän awrupalı köndäşlärennän uzdırdı.