Törek matbuğatına küzätü 09.04.2021

“Sabah” gazetı yazğança Törkiyä ilbaşı Räcäp Tayyip Ärdoğan kiçä D-8 oyışmasınıñ 10nçı oçraşuında koronaviruska qarşı citeşterelgän cirle vakŝina belän bäyle bularaq: “Törkiyä bularaq keşelärdä sınap qaralğan cirle vakŝinabıznı berkemne dä qaldırmıyça bar keşelekkä täqdim itäçäkbez,” – dide.

“Star” basması beldergänçä Germaniyaneñ aldınğı gazetlarınnan Frankfurt Allgemeine Zeitung Azärbaycan tarafınnan qullanıluçı Törek qorallı keşesez hawa apparatlarınıñ 190nan artıq Ärmänstan tankın häm köbäle çarasın yuqqa çığaruı belän bäyle xäbärlärneñ alman armiyasen ğacäpkä qaldıruın yaza.

Xäbärdän kürengänçä törek qorallı keşesez hawa apparatlarınıñ bu uñışı alman armiyasen çara kürergä mäcbür itte.

“Yeni Şafak” gazetı xäbärenä kürä Törkiyädän ğıynwar-mart aylarında 95 ilgä başqarılğan çäy êksportı uzğan yılnıñ şul uq çorına kürä miqdarda 23%, qıymmättä isä 33%ka arttı. Çäy êksportınnan täêmin itelgän kerem isä - 5 million 124 meñ dollar.

“Xörriyät” basması citkergänçä İspaniya Berençe Futbol Ligasınıñ 30nçı atnasında Real Madrid belän Barselona arasında irtägä 10 aprel’ könne uynalaçaq klasik matç aldınnan Kapadokiya video yazması kürsätelde.

Xäbärgä kürä yazmada Törkiyäneñ möhim turizm üzäklärennän bulğan Kapadokiyada qaynar hawa şarınnan tarixi Päri morcaları kürenä häm Real Madrid belän Barselona bayraqları cilferdi.

“Xäbär türk" gazetı yazğança AQŞtağı Boston Törek Kinofestivaleneñ 20nçese 15-30 aprel’ könnärendä uzaçaq.

Xäbärdän kürengänçä koronavirus kizüe arqasında onlayn ütkäreläçäk çarada zamança törek kinoları Amerikalılarğa kürsäteläçäk.