Törek matbuğatına küzätü 02.04.2021

“Star” gazetı  "Törkiyä monıñ köçle qaharmanı” mäqaläsendä ilneñ koronavirus belän köräşe turında bara.

 Bötendön’ya sälamätlek saqlaw oyışması ğomum mödire Tedros Adxanom Gebreyesus Törkiyäne maqtap telgä aldı. Ul ilneñ 2021nçe yılnıñ Xalıqara mediśina xezmätkärläre yılı buluınıñ “köçle qaharmanı” ikänen äytte. Yılnı şulay ataw täq’dimen Törkiyä yasağan ide.

“Hürriyet” gazetı “İke däwlät arasında yaña çor” dip yaza.  

Törkiyä belän Azärbaycan arasında tanıqlıq belän genä säyäxät itü ptotokolı ğamälgä kerde. Tışqı êşlär ministrı Mäwlet Çavuşoğlu “Watandaşlarıbızğa häm azärbaycanlı qardäşlärebezgä xäyerle bulsın,”-dip belderü yasadı.

“Yenişafak” gazetı mart ayındağı iñ yuğarı êksport kürsätkeçläre xaqında citkerä.  

Säwdä ministrı Ruxsar Pekcan: “Martta êksport, 2020nçe yılnıñ şul uq ayı belän çağıştırğanda, 42,2%qa artıq buldı häm 18 milliard 985 million dollarğa citte. Bu iñ yuğarı aylıq êksport kürsätkeçe,”-dide.

“Habertürk” gazetı Törkiyäneñ avtomobil’ predpriyätiyeläre törkemenä tanılğan dizaynernıñ kilüen citkerä.

TOGG oyışmasınnan belderülärençä, Fol’ksvagen häm Mersedesnıñ êlekkege baş dizaynerı Murat Günak törkemgä dizayner liderı bularaq quşılğan.

“Sabah” gazetı Törek hawa yullarınıñ berençelege turında xäbär itä.

Awrupa hawa navigaśiyäse qurqınıçsızlığı oyışması Törek hawa yullarınıñ köndälek urtaça 755 oçış belän köndäşlären artta qaldıruın belderde.