Törek matbuğatına küzätü 05.03.2021

“Sabah” gazetı yazğança Törkiyä saqlanu ministrlığı kiçä Bingöldän Tatvanğa baru öçen kütärelgän Ciröste köçlärenä bäyle Kugar törendäge boralaqnıñ qazağa duçar buluın açıqladı. Boralaqtağı 11 ğaskäri şähit buldı, 2 ğaskäri yaralandı.

Xäbärgä kürä Törkiyä ilbaşı Räcäp Tayyip Ärdoğan waqıyğa belän bäyle Milli saqlanu ministrı Xulusi Akardan mäğlümat aldı. Ärdoğan şähitlärgä Allaxıdan yarlıqaw, ğailäläre häm Törek qorallı köçläreneñ qayğısı belän urtaqlaştı, yaralanğan ğaskärilärgä şifa teläde.

“Xäbär türk” basması beldergänçä Törkiyä ilbaşı Räcäp Tayyip Ärdoğan kiçä İqtisadi xezmättäşlek oyışmasınıñ 14nçe Liderlar oçraşuında yasağan çığışında global’ fäläkätkä äylängän koronavirus kizüenä qarşı köräşneñ köçle yärdämläşü belän bula alaçağın belderde. Ärdoğan ayıruça İranğa qarata qullanıluçı ber yaqlı çikläwlärneñ beterelüeneñ töbäktä totrıqlılıq urnaştıraçağın açıqladı.

“Star” gazetı citkergänçä Törek saqlanu sänägäte Nurol Texnologiya poroşoknı köbägä äyländerä.

Xäbärdän kürengänçä citeşterelgän bor karbid keramikası yärdämendä Törkiyä isemen bu tarmaqta sanawlı illär arasına yazdırdı. Keramika sostavlı tuqımalar belän qullanılğanda saqlaw däräcäsen arttıra.

“Xörriyät” basması xäbärenä kürä Rusiyädäge Turopretaorlar berlege Törkiyädä Kovid-19 çikläwläreneñ beterelüe belän Rusiyä watandaşlarınıñ yal itü öçen yänä Törkiyäne saylawların belderde. İnglizlär dä bıyıl yal öçen iñ küp saylağan illärdän berseneñ Törkiyä buluı açıqlanğan ide.

“Watan” gazetı Basketbol Törek hawa yulları Awrupa Ligasınıñ 27nçe atnasında Anadolu Efes taqımınıñ İspaniya komandası Valensiya Basketnı 99-83 isäbe belän ciñüen yaza.

Xäbärga kürä bu näticä belän organizaŝiyada Anadolu Efes 16nçı tapqır ciñü yawladı. Valensiya isä 13nçe tapqır ciñelde.