Törek matbuğatına küzätü 24.02.2021
24 nçe fevral' könne basılıp çıqqan qayber törek gazetlarına küzätü
”Xörriyӓt” gazetı Törkiyӓneň vakśinaśiyada dönyada 7 nçe urında buluı turında yaza. Koronavirustan privivka yasaw dönyada 13 nçe dekabr’dӓ, Törkiyӓdӓ 14 nçe ğıynwarda başladı. Törkiyӓ bu barışta dönyada iň küp vakśina yasağan 7 nçe il bularaq Awrupa Berlege illӓren uzıp kitte. Törkiyӓdӓ bügenge köngӓ qadӓr 6 million yarım keşegӓ Kovid -19 dan privivka yasaldı, bu isӓ xalıqnıň 7,75%ın tӓşkil itӓ.
”Vatan” gazetı Törkiyӓ tışqı êşlӓr ministrı Mӓvlüt Çavuşoğlunıň Törekmӓnstan gazın Törkiyӓgӓ hӓm annan Awrupağa ireşterü öçen üz öleşlӓren kertergӓ ӓzer buluları turında ӓytüen citkerӓ.
”Sabah” gazetı Törkiyӓneň tӓwge cirle qorallı keşesez hawa apparatı Bayraktar TB2 neň 300 meň oçış sӓğӓten uňışlı tögӓllӓp Törkiyӓ aviaśiya tarixında yaňa rekord quyuın belderӓ. 300 meň oçış sӓğӓte 34 yıl tuqtawsız oçış digӓn süz.
”Star” gazetı Hindıstan dӓwlӓt qaramağındağı “Hindustan arsenalı”nıň Törkiyӓdӓn texnologiya alıp diňgez korabları tözü öçen ӓzerlӓnüe turında yaza. Proyektnıň 1 milliard yarım - 2 milliard dollarğa töşüe ӓytelӓ. Texnologiya tapşıru İstanbulnıň Tuzladağı Anadolu arsenalınnan başqarılaçaq.
”Yaňa Şafak” gazetı Angliyӓdӓ 8 -21 nçe iyün’ könnӓrenӓ planlaştırılğan çiklӓwlӓrne beterü xӓbӓrlӓrennӓn soň çit illӓrgӓ yal itü paketları satunıň 630%qa artuın uquçıları belӓn urtaqlaşa. Angliyӓdӓ iň zur iğ’tibar kürgӓn illӓr arasında berençe urında Törkiyӓ tora.
