Törek matbuğatına küzätü 15.02.2021

“Xäbär türk” gazetı yazğança separatist PKK terror oyışmasınıñ Ğıyraqnıñ tön’yağındağı güyä baza töbäge Garağa 10 fevral’ könne başlatılğan xäräkät azağına yaqınlaştı. Xäräkättä 53 terrorçı täêsirsez xälgä kiterelde, 2 terrorçı isän kileş qulğa töşerelde. Xäräkättä terror oyışmasınıñ älege töbäktäge barlığına awır höcüm yasaldı häm töbäk kontrol’ astına alındı. PKKnıñ 13 qoralsız watandaşnı üterüe isä oyışmanıñ xain yözen tağın ber tapqır kürsätte, säyäsätçelär oyışmanı lägnätläde.

“Star” basması beldergänçä cirle häm milli 5nçe buın xärbi oçqıçınıñ original’ häm cirle köçkä qawışuı öçen yaña adım yasaldı. Milli dvigatel’ dizaynı şirkäte TRMOTOR belän protokolğa qul quyıldı. Şulay itep proyektta tağın ber kritik êtap uzıldı. Xärbi oçqıçnıñ 2023tä angarda çığuı planlana.

“Xörriyät” gazetı xäbär itkänçä soñğı waqıtta dön’yada alıp barıluçı fänni êşçänleklärdä törek belgeçläre üz êzen qaldırdı. Biomediŝina ğalime häm biznesmen Dr. Özlem Türeci häm Prof. Dr. Uğur Şahin koronavirus vakŝinası yasadı. Törek belgeçe Kamil Önder dä Kovid-19nıñ yaña tören qısqa waqıtta bilgeläwçe PŜR testı çığardı. Prof. Dr. Raxmi Öklü isä yaman şeşne üterüçe daru yasap, ayıruça bawır yaman şeşe xastaları öçen ömet buldı.

“Yeni Şafak” basması citkergänçä Amerikan investiŝiya bankı häm finans xezmätlär xolding şirkäte JP Morgan Törkiyäneñ iqtisadi üseşen çamaladı. Aña kürä 2021dä üseş 3,3 %tan 4,6%ğa citäçäk.

“Watan” gazetı Konyanıñ Beyşehir rayonında yasaluçı Huğlu aw mıltıqlarınıñ Aziya, Awrupa häm Yıraq Könçığışta 65 ilgä êskportlanuın yaza.

Xäbärgä kürä markağa äylängän Huğlu mıltıqları ostalığı, êstetik küreneşe, sıyfatı häm ozın qullanışlı buluı arqasında köndäşlären uzdıra. Ozın radiuslı snayper mıltığı OVİS isä Amerika Quşma Ştatları, Namibiya, Tayland, İndoneziya häm Germaniyada satıla.