Törek matbuğatına küzätü 05.02.2021

”Yaňa Şafak” gazetı ilbaşı Rӓcӓp Tayyip Ӓrdoğannıň uquçı yӓş’lӓrne Törkiyӓgӓ tartu buyınça dönyada iň yaxşı unlıqqa kerülӓre turında ӓytüen citkerӓ. Ӓrdoğan  distanśion belem yulı belӓn dönyanıň tanılğan yuğarı uqu yortları möğallimnӓrenӓ Törkiyӓdӓ dӓreslӓr ütkӓrü mömkinlege tudırılaçağın da belderde.

”Xӓbӓr törek” gazetı çit il keşelӓreneň Törkiyӓdӓ küçemsez mölkӓt satıp aluğa zur ӓhӓmiyӓt birülӓre turında yaza.Gazet xӓbӓrenӓ kürӓ, andıylarnıň 92,7%ı küçemsez milekne üz qulında tota. Çit il investorları yılda yaqınça 3 ayların Törkiyӓdӓ uzdıra. Ber küçemsez mölkӓt alğan investorlarnıň yartısı ikençesen dӓ satıp ala. Citӓkçe, injener, êşmӓkӓr, tabib hӓm layıqlı yaldağılar da bulğan çit il investorlarınıň urtaça yӓşe – 50,6.

”Star” gazetı dönyakülӓm tanılğan smartfon êşlӓp çığaruçı  “Xiaomi” şirkӓteneň bıyılnıň berençe kvartalında 30 million dollar külӓmendӓge investiśiya belӓn Törkiyӓdӓ telefon citeşterügӓ kereşӓçӓgen uquçıları belӓn urtaqlaşa. Şirkӓt İstanbulda êşxanӓ açaçaq hӓm ul yıl sayın 5 million telefon citeşterü quӓtenӓ iyӓ bulaçaq.

”Sabah” gazetı Törkiyӓdӓ altın citeşterüneň 5 yılda 100 tonnağa citӓçӓge turında yaza. Törkiyӓ ênergetika hӓm tabiği çığanaqlar ministrı Fatix Dönmӓz Törkiyӓdӓ hӓr yıl 42 tonna altın citeşterelüen belderep, “Maqsatıbız - 5 yılda anı 100 tonnağa citkerü “dide. Ministr dönyada yılına 100 tonnadan kübrӓk altın citeşterüçe 10 il arasına kerergӓ telӓwlӓren belderde.

“Vatan” gazetı Törkiyӓneň ozın radiuslı raketası ”Atmaca”nı sınaw qarawların xӓbӓr itӓ. “Roketsan” şirkӓte êşlӓp çığarğan “Atmaca”nıň Sinoptağı test atuların diňgez köçlӓre komandirı armiya admiralı Adnan Özbal  hӓm vilayӓt’ idarӓse başlığı Êrol Karaömeroğlu da qaradı. Adnan Özbal “Milli raketa dustına ışanıç birer, doşmanına qurqu salır” dide.