Törek matbuğatına küzätü 18.12.2020
18 nçe dekabr' könne basılıp çıqqan qayber törek gazetlarına küzätü
”Xörriyӓt” gazetı “Törkiyӓ hӓm Ğıyraqtan urtaq yullama: terrorğa mömkinlek yuq” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň ilbaşı idarӓse kölliyӓsendӓ Ğıyraq prem’yer – ministrı Mostafa Kazımi belӓn urtaq matbuğat oçraşuı ütkӓrüe turında yaza. Törkiyӓ ilbaşı biredӓ yasağan çığışında “Urtaq doşmannarıbız “DEAŞ”, “PKK” hӓm “Fӓtullahçı terror oyışması” (FETÖ) belӓn körӓşne dӓwam itterü qararına kildek” dide. Ğıyraq prem’yer-ministrı Kazımi dӓ “DEAŞ” kebek töbӓkkӓ zarar birgӓn oyışmalarğa qarşı bergӓ êşlӓrgӓ telibez” dip belderde.
”Vatan” gazetı “Ӓrdoğan süzendӓ tora torğan keşe” isemle xӓbӓrendӓ Rusiya Federaśiyӓse dӓwlӓt başlığı Vladimir Putinnıň yıl azağında ütkӓrgӓn matbuğat oçraşuında Törkiyӓ ilbaşın maqtap telgӓ aluın uquçıları belӓn urtaqlaşa. Putin Ӓrdoğannı wӓğ’dӓlӓren ütӓwçe, üz süzendӓ tora torğan keşe buluın belderep, “Ber ӓyber ile öçen möhim bulğanda anı tormışqa aşıru öçen azağına qadӓr körӓşӓ. Bu aldan kürӓ belü digӓn süz hӓm qarşında kem buluın aňlaw öçen zur ӓhӓmiyӓtkӓ iyӓ”dide.
”Yaňa Şafak” gazetı “Şӓntop: dönyanıň iň yumart ile bulu belӓn ğorurlanabız” digӓn xӓbӓrendӓ Törkiyӓ Böyek Millӓt Mӓclese başlığı Mostafa Şӓntopnıň qıyğalar ara iq’tisadi xezmӓttӓşlek illӓreneň 6 nçı parlament başlıqları cıyılışına videokonferenśiya yulı belӓn qatnaşuın citkerӓ. Şӓntop üz çığışında Törkiyӓneň Kovid -19 êpidemiyӓsendӓ moxtac illӓrgӓ yӓrdӓm qulı suzuın belderep, “Dönyanıň iň bay ile bulmasaq ta, dönyanıň iň yumart ile bulu belӓn ğorurlanabız” dide.
”Xӓbӓr Törek” gazetı “Hulusi Akar :S-400 mӓs’ӓlӓsendӓ torğan urınıbız döres” isemle xӓbӓrendӓ Törkiyӓ saqlanu ministrı Hulusi Akarnıň AQŞnıň Rusiyӓdӓn S-400 hawa saqlanu sistemaları alğan öçen Törkiyӓgӓ sankśiya kertü qararına bӓyӓ birüen citkerӓ. “AQŞta citӓkçelek, byrokratlar , struktura üzgӓrӓ. Nӓrsӓlӓr bulıp betӓr, kilӓçӓk kürsӓter. S-400 sistemasın yӓşeren rӓweştӓ almadıq.Bezneň bu mӓs’ӓlӓdӓ torğan urınıbız döres. “Patriot” soradıq. NATOdan “Patriot” batareyaları kilde hӓm kitte” dide Hulusi Akar.
”Sabah” gazetı “Törkiyӓ turizmda köndӓşlӓrennӓn alda” isemle xӓbӓrendӓ Törkiyӓ mӓdӓniyat hӓm turizm ministrı Mӓxmӓt Nuri Ӓrsoynıň Törkiyӓneň pandemiya barışında turizm tarmağında Awrupadağı iň köçle köndӓşlӓrennӓn 15%qa tağın da yaxşıraq nӓticӓlӓrgӓ ireşüen belderep, “ Kilӓse yıllarda qatğıy rӓweştӓ bu yünӓleştӓge êşçӓnleklӓrebez dӓwam itӓçӓk” digӓn süzlӓren citkerӓ.
