Törek matbuğatına küzätü 23.11.2020
Qayber törek basmalarına küzätü
“Star” gazetı yazğança Törkiyä ilbaşı Räcäp Tayyip Ärdoğan G20 oçraşuında qatnaşqan liderlarğa möräcäğat’ itep tübändägeçä citkerde: “Yalğız qaluıbızğa qaramastan bügengä qadär 9 meñ tiräse çit il terrorçısın qulğa aldıq häm illärenä kire cibärdek. Süriyädä DEAŞ terror oyışması belän köräşüçe berdänber NATO ile bez.”
“Watan” basması beldergänçä Törkiyä saqlanu ministrlığınnan yasalğan açıqlawda Azärbaycanğa xäräkät belän bäyle bularaq: “Törek ğaskäriläre Rusiyä belän qorılaçaq urtaq üzäktä häm bu üzäk başqaraçaq êşçänleklärdä 1 yıl wazıyfa başqaraçaq,” – dip äytelde.
“Sabah” gazetı Germaniyaneñ “Tagesschau” isemle xäbär säxifäseneñ Törkiyäneñ qorallı keşesez hawa apparatların maqtawın yaza. Xäbärgä kürä Azärbaycan belän Ärmänstan arasındağı kiyerenkelektä Törkiyä birgän qorallı hawa apparatları Azärbaycannıñ ciñüenä zur öleş kertte.
Xäbärdä tübändäge yullar urın ala: “Xäzerge waqıtta Awrupa illärendäge bernindi hawadan saqlanu sisteması da Törkiyäneñ qorallı keşesez hawa apparatlarına qarşı tora almıy.”
“Xörriyät” basması citkergänçä Törkiyäneñ Sänägät häm texnologiya ministrı Mostafa Varank Kale Ar-Ge tarafınnan yasalğan Milli Turboreaktiv motornı sınap qaradı.
Xäbärdä ministr Varanknıñ tübändäge süzläre urın ala: “Kale yasağan häm inşallah ozaqlamıy tapşıraçaq bu motorlar ilebezgä küp närsä kiteräçäk. Milli turboreaktiv motor berençe itep Hawa köçläre citäkçelegeneñ ixtıyacı.”
“Yäni Şafak” gazetı yazğança AQŞta yäşäwçe 12 yäş’lek törek balası Kağan Uz şaxmatta üz yäş’ törkemendä berençe yözlekkä kerde.
Xäbärgä kürä 6 yäşendä şaxmat uynarğa öyrängän häm 9 yäşennän birle daimi bularaq uynağan Kağan tübändägeçä citkerde: “Şaxmatnı yaxşı uynarğa, tuqtamıyça däwam itterergä planlıym.”
