Törek matbuğatına küzätü- 19.11.2020

“Yenişafak” gazetı ilbaşı Ärdoğannıñ süzläre belän “Yäşeren-açıq barlıq êmbargolarnı üz köçe belän kiçä aluçı il buldıq” dip yaza.

Törkiyä ilbaşı Räcäp Tayyip Ärdoğan Aselsan yaña sistema tanıtu häm qorılmalarnı açu programmasında çığış yasadı. Ul ilneñ dön’yaküläm täêminatçılar kiterep çığarğan barlıq awırlıqlarnı, êmbargolarnı uza aluın assızıqladı. “Dön’yanıñ berençe 100 saqlanu şirkäte isemlegenä 7 firma belän kerdek. Barı tik soñğı 5 yılda tağın 5 şirkätebez bu isemlekkä östälde,”-dip söyläde Ärdoğan.

“Hürriyet” gazetı sälamätlek saqlaw ministrı Fäxretdin Kocanıñ vakśina turındağı belderüen citkerä.  

Anıñ äytüençä, törek belgeçläre Uğur Şahin belän Özläm Türäci citäkläwçe biotexnologiyä şirkäte “BioNTex”nıñ Amerikanıñ “Pfayzer” firması belän bergä uylap tapqan Kovid-19 vakśinasına röxsät dekabr’ ayında birelergä mömkin. Bu oçraqta cirle vakśina aprel’ ayında qullanıla başlar dip kötelä.  

“Star” gazetı ministr Varanknıñ cirle avtomobil’ turındağı belderüen alğı planğa çığara.  

Sänäğat’ häm texnologiya ministrı Mostafa Varank cirle avtomobil’dä dön’yada köndäş bulaçaq bik ähämiyätle proyekt tormışqa aşıruların belderde. “Bu maşinalar 2022nçe yıl axırında yulğa çıqqanda, alarnıñ cirle citeşterü däräcäse 51% bulaçaq. 2026nçı yılda isä ul 68%qa citäçäk,”-dip söyläde ministr.

“Sabah” gazetı “Ğaräp dön’yasınıñ iñ soqlanğan ile – Törkiyä” dip yaza.  

Yaqın Könçığışta Törkiyäneñ däräcäseneñ torğan sayın artuın Amerika şirkäte tikşerenüçeläre dä açıqladı."Arab Center" oyışması 13 ğaräp däwlätendä anketa uzdırdı häm anda cämäğat’çelekneñ iñ nıq Törkiyäneñ tışqı säyäsäten xuplawı kürende.  

“Vatan” gazetı İstanbul aêroportına birelgän däräcäle isem turında citkerä.

İstanbul aêroportı Xalıqara aêroportlar şurası uzdırğan büläkläw tantanasında “Śifrlı transformaśiyädä Awrupanıñ iñ yaxşı aêroportı” isemenä layıq buldı.