Төрeк мaтбугaтынa күзәтү - Törek matbuğatına küzätü 13.11.2020
13нчe нoябрь көннe бaсылып чыккaн кaйбeр төрeк гaзeтлaрынa күзәтү / 13nçe noyabr’ könne basılıp çıqqan qayber törek gazetlarına küzätü
“Xörriyät” gazetı: “Ärdoğan: “Törkiyä monnan arı ğaläm ligasında””
İlbaşı Räcäp Tayyip Ärdoğan Törkiyäneñ cirle häm milli iyärçen êşçänlege belän monnan arı ğaläm ligasında buluın äytte. “Bez tulısınça milli yasağan iyärçen oçırtu sınawları uñışlı tämamlandı. Bu sınap qarawlarda 4 tapqır ğalämgä barıp cittek”, - dip assızıqlawçı Ärdoğan millätneñ aldına här ölkädä yaña uñışlarnıñ söyeneçläre belän çığarğa däwam itäçäklären belderde.
“Star” gazetı: “Azärbaycannıñ ciñüendä törek keşesez hawa apparatlarınıñ role”
Amerika Quşma Ştatlarınıñ Azärbaycan êlekke ilçese häm êlekke däwlät särkätibe urınbasarı Mêt’yu Brayza Azärbaycan armiyasınıñ Ärmänstanğa qarşı suğış qırında bu qadär yaxşı kürsätkeç kürsätüen Törkiyäneñ keşesez hawa apparatlarına bäyläde. Keşesez hawa apparatlarınıñ ğacäpländererlek däräcädä täêsirle buluın belderüçe Brayza bu uñışnı ışanmaslıq itep bäyäläde.
“Xäbär Türk” gazetı: “Törkiyä dönyada logistik super köç bulaçaq”
Transport häm asqorma ministrı Adil Qaraismailoğlu Törkiyädä asqorma belän bergä yulçınıñ qanäğät buluın iñ yuğarı däräcägä citkeräçäk timer yulı markasınıñ buldırılaçağın häm aldıbızdağı yıllarnıñ timer yulı yılları bulaçağın äytte. Törkiyäneñ kapital saluları belän dönyada logistik super köç bulaçağına basım yasawçı Qaraismailoğlu Azärbaycandağı yaña täräqqiyätlärdän soñ Naxçıvan yağına timer yulın planlaştıruların häm tikşerenü planı êşçänlegeneñ tögällänäçägen açıqladı.
“Sabah” gazetı: “Birelgän terrorçı sanı 200gä yaqınaydı”
“PKK separatist terror oyışmasınnan qaçular däwam itä. Kiçä Şırnakta künderü –ışandıru yulı belän tağın 1 “PKK”lı terrorçı birelde. Bolay da betü däräcäsenä kilep citkän qulı qanlı “PKK”da birelgän terrorçı sanı yıl başınnan birle 197gä citte.
“Watan” gazetı: “Tanılğan şirkät Törkiyä belän xezmättäşlek kileşüen imzaladı”
Törkiyäneñ TUSAŞ aviaśiya häm ğaläm sänäğäte oyışması belän “Boeing” Törkiyädä termoplastik kisäklärne citeşterü mäs’äläsendä xezmättäşlek kileşüenä qul quydı. Törkiyädä tözeläçäk qorılmada cirle häm milli mömkinleklär belän dönya standartlarında termoplastik kompozit öleşlär êşläp çığarılaçaq.
