Törek matbuğatına küzätü 12.11.2020

“Xörriyät” gazetı yazğança Törkiyä ilbaşı Räcäp Tayyip Ärdoğan kiçä yasağan açıqlawında Azärbaycan häm Ärmänstan arasındağı kileşü belän bäyle bularaq: “Törkiyä kileşüneň ütälüen küzätü häm tikşerü öçen töbäktä qorılaçaq urtaq tınıçlıq köçendä Rusiyä belän bergä urın alaçaq. Utnı tuqtatunıň kontrole öçen barlıqqa kitereläçäk Urtaq törek-rus üzäge belän bäyle kileşü berketmäse bügen irtän imzalandı,” – dide.

“Xäbär türk” basması beldergänçä Törkiyä tışqı êşlär ministrlığı AQŞ däwlät särqätibe Mayk Pompeonıň Törkiyägä säfäre belän bäyle açıqlaw yasadı.

Xäbärgä kürä ministrlık tarafınnan yasalğan açıqlawda Pompeonıň Grek pravoslav çirkäwe patriarxı belän Törkiyä häm töbäktäge dini mäs’älälärne qarayaçağı belän bäyle bularaq: “AQŞnıň başta közgegä qarawı häm üz ilendäge rasaçılıq, İslam doşmanlığı häm näfrät höcümnäre kebek keşe xoquqların bozularnı kürüe döresräk bulaçaq,” – dip äytelde.

“Sabah” gazetı citkergänçä Angliyada basıluçı “Telegraph”, “Times” häm “Guardian” gazetları Azärbaycannıň Qarabax ciňüe belän bäyle inanılmas xäbärlär yaza.

İngliz matbuğatındağı Azärbaycan häm Ärmänstan arasında tözelgän kileşü belän bäyle analiz häm xäbärlärdä Tawlı Qarabaxtağı suğışnı Törkiyäneň qazanuı citkerelä häm Änkaranıň töbäktäge bilgeläwçe roleneň nığuı, könbatışnıň isä çitläşterelüe belderelä.

“Yeni Şafak” basması Ênergetika häm tabiğıy çığanaqlar ministrı Fatix Dönmezneñ tübändäge süzlären uquçıları belän urtaqlaşa: “Modernizaŝiyase tämamlanıp, Mersin/Taşucu portınnan quzğalğan Qanunş zondaj köymäbez 2021 yılnıň berençe aylarında Qara diňgezdä êşçänleklärne başlataçaq.”

“Star” gazetı yazğança Formula 1 yarışlarınıň 14nçe êtabı “Formula 1 DHL Turkish Grand Prix 2020”dän alda kiçä İstanbul tanıtuları öçen 15 iyul’ Şähitlär küpere yabıldı.

Formula 1 taqımnarınnan RedBull Racing taqım pilotı Aleksandr Albon Formula 1 maşinasında küperne uzdı. Şul räweşle Formula 1 häm Törkiyä tarixında dön’yanıň berençe qıytğalarara pit-stopı çınğa aştı.