Törek matbuğatına küzätü 11.11.2020
11 nçe noyabr' könne basılıp çıqqan qayber törek gazetlarına küzätü
”Xӓbӓr Törek” gazetı “İlbaşı Ӓrdoğannan belderülӓr” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň kiçӓ Atatörekne iskӓ alu tantanasında yasağan çığışında iq’tisadqa tuqtalıp 100 yıl êlek Törkiyӓneň Mosafa Kӓmal Atatörek arqasında kapitulyaśiyӓdӓn qotıluın, bügenge köndӓ isӓ zamanca kapitulyaśiyӓlӓrgӓ qarşı körӓşüenӓ basım yasawın citkerӓ. Ӓrdoğan: “Bügenge köngӓ qadӓr ilebezne bik küp maqsatlarına ireşterdek. İq’tisadıbıznı da dönyanıň iň yaxşı unlığına kertergӓ omtılabız, monıň öçen tırışabız. Bu Mostafa Kӓmal Atatörekkӓ iň zur bülӓk bulır dip ışanam”,-dide.
”Xörriyӓt” gazetı “ Paşinyan nixayӓt’ bireşergӓ mӓcbür buldı” isemle xӓbӓrendӓ Törkiyӓ tışqı êşlӓr ministrı Mӓvlüt Çavuşoğlunıň kiçӓ Qırğızstan tışqı êşlr ministrı Ruslan Kazakbaev belӓn urtaq matbuğat oçraşuı ütkӓrüen belderӓ. Çavuşoğlu biredӓ yasağan çığışında Ӓrmӓnstan belӓn Azӓrbaycan arasındağı utnı tuqtatu xaqında tübӓndӓgelӓrne citkerde: “Ӓrmӓnstan hӓrwaqıt utnı tuqtatunı bozğan, suğış telӓgӓn yaq buldı. Hӓm bu aňa qıymmӓtkӓ töşte. Kiçӓ kiç 3 il arasında utnı tuqtatu kileşüe imzalandı. Xӓzer isӓ monı niçek kontrol’ itü mӓs’ӓlӓse bar”.
”Vatan” gazetı “İlbaşı idarӓse süzçese Qalınnıň Azӓrbaycan yullaması” isemle xӓbӓrendӓ yazğança, Törkiyӓ ilbaşı idarӓse süzçese İbrahim Qalın Azӓrbaycan belӓn Ӓrmӓnstan arasında imzalanğan utnı tuqtatu kileşüe xaqında tvitter akkauntında bolay dip yazdı: “Qarabax azat itelde. Qarabax - Azӓrbaycan. Törkiyӓ monnan soň da Azӓrbaycannıň yanında bulaçaq”.
“Sabah” gazetı “Hulusi Akardan Azӓrbaycan belderüe” isemle yazmasında citkergӓnçӓ, Törkiyӓ saqlanu ministrı Hulusi Akar Azӓrbaycan belӓn Ӓrmӓnstan arasında imzalanğan utnı tuqtatu kileşüe xaqında kiçӓ bolay dip belderde: “Yaqınça 30 yıl yaw astında bulğan cirlӓren kire alu, Ӓrmӓnstannıň höcümnӓren tuqtatu öçen körӓşkӓn Azӓrbaycan qardӓşlӓrebezne ciňülӓre belӓn tӓbrik itӓm. Utnı tuqtatu kileşüendӓge şartlarnı ütӓw, yaw astındağı cirlӓrne Azӓrbaycanğa kire birü, töbӓktӓ tınıçlıq urnaştıru barışında Azӓrbaycannıň yanında bulaçaqbız”.
”Star” gazetı “Törkiyӓdӓn Qıtayğa tӓwger tapqır qoş ite hӓm produktları êksportlandı” isemle xӓbӓrendӓ yazğança, Törkiyӓ awıl hӓm urman xucalığı ministrı Bӓkir Pakdemirli 6 nçı noyabr’dӓn Törkiyӓdӓn Qıtayğa qoş ite êksportı başlanuın belderde.
