Törek matbuğatına küzätü 09.11.2020

“Yenişafak” gazetı yazğança Törkiyä ilbaşı Räcäp Tayyip Ärdoğan partiyaseneñ Kocaelindäge kongress çığışın Tawlı Qarabaxnı qotqaru öçen köräşüçe Azärbaycanlılarnı Şuşa ciñüe belän qotlap başladı.

Xäbärdä ilbaşınıñ tübändäge süzläre urın ala: “30 yıl buyı Minsk öçlese tarafınnan bitaraf qaldırılğan, aldanğan Azärbaycan qardäşlärebez sabır itte häm ciñügä ireşte.”

“Sabah” basması beldergänçä Törkiyäneñ saqlanu sänägäte koronavirus kizüe arqasında yärminkä häm êş üsterü êşçänlekläre çiklängän şartlarda 3D yärminkäse XperExpo belän açılaçaq.

Xäbärdän kürengänçä bügen açılaçaq häm 2021 yılnıñ 9 aprelenä qadär çın yärminkä kebek baraçaq çarada Törkiyäneñ saqlanu sänägätendä soñğı waqıtta yasalğan şaqtıy yaña äyberlär urın alaçaq.

“Xäbär türk” gazetı citkergänçä Balkan goeografiyasenä yılnıñ 10 ayında 10 milliard 213 million dollarlık êksport başqarıldı.

Gazet yazğança Balkan illäre arasında iñ küp êksport 3 milliard 47 million dollar belän Rumıniyağa çınğa aşırıldı.

“Star” basması xäbärenä kürä êzläw-qotqaru cämğıyäteneñ idarä şurası başlığı Räcäp Şalcı Törkiyäneñ êzläw-qotqaru êşçänleklärendä dön’yadağı sanawlı illärdän berse buluın citkerde.

Xäbärdä Şalcınıñ tübändäge süzläre urın ala: “Törkiyä êzläw-qotqaru êşçänleklärendä bik köçle. Dön’yadağı şaqtıy däwlät Törkiyädäge bu täcribä, êşçänlek häm cihazlarına xäyrän. Çit illärgä barğaç bezneñ belän êşlärgä telilär. Bu isä Törkiyäneñ köçen kürsätä.”

“Xörriyät” gazetı yazğança dön’yanıñ iñ möhim sport çaralarınnan Formula 1neñ 9 yıldan soñ qabat İntercity İstanbul Parkta oyıştırılaçağın beldergän Transport häm asqorıma ministrı Adil Karaismailoğlu yuldağı asfal’tnıñ almaştırıluın äytep: “İlebezgä, İstanbulıbızğa kileşüçe häm ğorurlıq birüçe yarışnı uzdıru cawaplılığı häm dulqının xis itäbez,” – dide.