Törek matbuğatına küzätü 06.11.2020

”Xӓbӓr Törek” gazetı “İlebezne tabiği afӓtlӓrgӓ ӓzerlӓw öçen köne - töne êşlӓyӓçӓkbez” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň Törkiyӓne tabiğat’ afӓtlӓrenӓ qarşı ӓzerlӓw öçen köne - töne, armıy-talmıy êşlӓyne dӓwam itterӓçӓklӓre turında ӓytüen citkerӓ. Ӓdoğan İzmirdӓge cirtetrӓwdӓ zıyan kürüçelӓrneň barlıq ixtıyaclarınıň qanӓğӓt’lӓnderelüen, xӓrӓbӓlӓrne çistartu êşçӓnleklӓreneň iň qısqa waqıtta tӓmamlanaçağın hӓm 1 ay êçendӓ yaňa yortlar tözügӓ kereşӓçӓklӓren citkerde.

”Star” gazetı “Çavuşoğlu  Ӓl-Sani belӓn küreşte” isemle xӓbӓrendӓ yazğança, Törkiyӓ tışqı êşlӓr ministrı Mӓvlüt Çavuşoğlu Törkiyӓ - Katar yuğarı strategik komitetınıň 6 nçı cıyılışınıň tışqı êşlӓr ministrları dӓrӓcӓsendӓge ӓzerlek cıyılışında qatnaşu öçen Antaliyӓgӓ kilgӓn katarlı wazıyfadaşı Ӓl - Sani belӓn küreşep söylӓşte. Ul cıyılış xaqında tvitter akkauntında tübӓndӓgelӓrne citkerde: “Bik yaxşı dӓrӓcӓdӓge mönӓsӓbӓtlӓrebezne tağın da nığıtaçaq adımnar xaqında söylӓştek. Regional’ hӓm xalıqara mӓs’ ӓlӓlӓrdӓge kileşüne rasladıq”.

“Xörriyӓt” gazetı “Fatix“ borawlaw köymӓse Türkali – 1 skvajinasında êşçӓnlegen başladı” isemle xӓbӓrendӓ yazğança, Törkiyӓ qazna hӓm finans ministrı Bӓrat Albayrak kiçӓ “Fatix” borawlaw köymӓseneň “Türkali – 1” skvajinasında borawlawğa kereşüe xaqında üzeneň tvitter akkauntında tübӓndӓgelӓrne yazdı:” Sӓyӓxӓtlӓr hӓm ciňülӓr küp bulsın. “Fatix” borawlaw köymӓbez “Türkali-1” skvajinasında êşkӓ kereşte. Xӓyerle bulsın”.

”Sabah” gazetı “Sabiha Gökçӓn hawa mӓydanı oktyabr’ ayında 1 million 898 meň 632 yulçı qabul itte” isemle xӓbӓrendӓ İstanbuldağı Sabiha Gökçӓn xalıqara aêroportınıň  oktyabr’ ayında koronavirus êpidemiyӓse dӓwerendӓge iň yuğarı yulçı sanına ireşüe turında yaza. Yulçı sanı sentyabr’ ayı belӓn çağıştırğanda 6%qa artqan aêroportta oktyabr’ ayında 1 million 898 meň 632 keşegӓ xezmӓt kürsӓtelde.

“Yaňa Şafak” gazetı “Törkiyӓneň tӓwge qorallı keşesez diňgez korabı diňgezdӓ “ isemle xӓbӓrendӓ Törkiyӓneň berençe qorallı keşesez diňgez transportınıň dekabr’ ayında diňgezdӓ bulaçağın uquçıları belӓn urtaqlaşa. Anıň tӓwge sınawları 2021 nçe yılnıň berençe kvartalında uzaçaq.