Törek matbuğatına küzätü 05.11.2020
5nçe noyabr' könne çıqqan qayber törek gazetlarına küzätü
“Sabah” gazetı yazğança, Çavuşoğlu: “Azärbaycannıñ cir bötenlege yaqlanırğa tiyeş,”-dide.
Törkiyä tışqı êşlär ministrı Mäwlet Çavuşoğlu kiçä videokonferenśiyä yulı belän Awrupa şurası ministrlar komitetınıñ 130nçı cıyılışında qatnaştı. Bu turıda ul Twitter aşa belderü yasadı. Çavuşoğlu anda “Azärbaycannıñ cir bötenlege härkem tarafınnan şartsız räweştä yaqlanırğa tiyeş,”-dide.
“Vatan” gazetı citkergänçä, qazna häm finans ministrı Bärat Albayrak “Törkiyä citeşterep üsä,”-dide.
Törkiyä qazna häm finans ministrı Bärat Albayrak Törkiyädäge häm dön’yadağı iq’tisadi üseş xaqında mäğ’lümat birde. “Törkiyä citeşterep, östämä qıymmät barlıqqa kiterep üsä. İq’tisadtağı köçle torğızılu tendenśiyäse oktyabr’ ayında da däwam itä,”-di ul.
“Haber Türk” gazetı yazğança, ministr Päkcan “Awrupağa açıluçı çik qapqalarında yök maşinası uzu rekordı yasaldı”,-dide.
Törkiyä säwdä ministrı Ruxsar Päkcan “Oktyabr’ ayında ilebezneñ Awrupağa açılğan çik buyı qapqalarınnan Kapıkuleda 70 meñ 694, Hamzabeylidä 26 meñ 74, İpsalada 8 meñ 700 – tulayım kerü-çığu sanı 100 meñnän arttı häm barlıq waqıtlarnıñ iñ yuğarı kürsätkeçenä ireşelde,”-dide.
“Hürriyet” gazetı “Qara diñgez söläyman balığı êksportı 33%qa arttı” dip xäbär itä.
Qara diñgez söläyman balığın törek xalqı “salawat küpere ala balığı” dip tä yörtä. Anıñ êksportı yılnıñ 10 ayında 33%qa artıp, 46 million dollar kerem kiterde. Älege balıqnı iñ küp Rusiya, V’yetnam häm Rumıniya satıp aldı.
“Star” gazetı Sälçuk Bayraktarnıñ söyenderüçe belderüe turında yaza.
“Baykar” şirkäteneñ texnik mödire Sälçuk Bayraktar AKINCI keşesez hawa apparatınıñ täwge tapqır cir kontrol’ stanśiyäse bulmağan mäydanğa avtonom räweştä töşep utıruın häm kütärelep kitüen belderde.
