Төрeк мaтбугaтынa күзәтү / Törek matbuğatına küzätü 10.09.2020
10нчы сeнтябрьдә бaсылып чыккaн кaйбeр төрeк гaзeтлaрынa күзәтү / 10nçı sentyabr’dä basılıp çıqqan qayber törek gazetlarına küzätü
“Star” gazetı: “Könçığış Urta diñgezdä Törkiyä bulmağan här iniśiativa uñışsızlıqqa duçar”
İlbaşı urınbasarı Fuat Oktay Törkiyäneñ Greśiya belän Könçığış Urta diñgezdäge kileşmäwçänleklärne konstruktiv räweştä diplomatiya yulı belän xäl itü gayräte belän xäräkät itüen äytte. Könçığış Urta diñgezdä Törkiyä bulmağan här iniśiativanıñ uñışsızlıqqa duçar bulaçağına basım yasawçı Oktay: ““Oruç Räis” seysmik tikşerenü köymäbez bilgelängän programma qısalarında êşçänlegen alıp bara. Uglevodorod êşçänlegebez bügengä qadär üz qıytğa kiñlegebezdä häm xalıqara xoquqqa yaraşlı räweştä ğadellek nigeze qısalarında başqarıldı, monnan soñ da şuşındıy uq añ-fiker belän xäräkät itäçäkbez”, - dip äytte.
“Watan” gazetı: “Ministr Akarnıñ alman wazıyfadaşı belän Könçığış Urta diñgez söyläşüe”
Milli saqlanu ministrı Hulusi Akar Germaniya saqlanu ministrı Annegret Kramp-Karrenbauer belän telefon söyläşüen ütkärde. Söyläşü waqıtında Könçığış Urta diñgezdäge täräqqiyätlär belän bergä ike yaqlı häm regional’ saqlanu belän iminlek mäs’älälärendä fikerlär belän almaşıldı.
“Sabah” gazetı: “Ministr Çavuşoğlunnan alman wazıyfadaşına: “Rasaçılıqnı häm ksenofobiyanı barı tik bergä häm täwäkkällek belän genä ciñä alırbız”"
Tışqı êşlär ministrı Mäwlüt Çavuşoğlu 2000nçe yılnıñ 9nçı sentyabr’ könne Germaniyanıñ Nürnberg qalasında üterelgän Änvär Şimşäkneñ ülem yıllığında wazıyfadaşı Heiko Maasnıñ “Twitter”dan urtaqlaşqan yazmasına: “Heiko, kürsätkän sizgerlegeñne täq’dir itäbez, fäqät 20 yılda şuşı çir belän köräştä bik artıq yul uzmawıbız da mäğ’lüm. Rasaçılıqnı häm ksenofobiyanı barı tik bergäläşep häm täwäkkällek belän ciña alırbız”, - dip cawap birde.
“Xörriyät” gazetı: “Törkiyä 2021dä 5%tan kübräk üsä ala”
Kazna häm finans ministrı Bärat Albayraq yaña tör koronavirus (Kovid-19) kizüeneñ tizlegenä bäyle bularaq Törkiyä iq’tisadınıñ 2021nçe yılda 5%tan şaqtıy kübräk üseş kürsätä alaçağın belderde. Barlıq aldınğı kürsätkeçlärneñ Törkiyä cähätennän iñ naçar bulğannıñ artta qaluın kürsätüen assızıqlawçı Albayraq yılnıñ ikençe yartısında tiz cayğa salınunı kötülären belderde.
“Yäni Şafak” gazetı: “Türksat 5A yıl axırında ğalämgä cibäreläçäk”
Türksat 5A iyärçene bıyıl yıl azağında ğalämgä cibäreläçäk. “Türksat 5A”nıñ xezmätkä kerüe belän translyaśiya ölkäse belän Törkiyä, Yaqın Könçığış, Awrupa, Tön’yaq Afrika häm Kön’yaq Afrika çolğap alınaçaq. Türksat 5A iyärçene Törkiyäneñ aktiv iyärçen flotındağı 4nçe xäbärläşü iyärçene bulaçaq.
