Törek matbuğatına küzätü 03.09.2020

“Star” gazetı: "Tışqı êşlär ministrlığınnan “Çarli Hebdo”nı gäyepläw"

Tışqı êşlär ministrlığı süzçese Hami Aksoy:  "(Franśuz) “Çarli Hebdo” jurnalınıñ dinebezgä häm Päyğambärebezgä qarata ixtiramsızlıqqa iyä karikaturalarnı yañadan bastıru qararın kisken räweştä gäyeplibez. Möselmannarğa qarşı şuşı xäqarätne, mısqıllawnı häm ixtiramsızlıqnı matbuğat, sänğät yäki süz irege belän aqlaw mömkin tügel”, - dip äytte.

“Watan” gazetı: "Säwdä ministrı Päkcan: “Tışqı säwdäbezneñ aldıbızdağı çorda köçle üseş alaçağına ışanabız”"

Säwdä ministrı Ruhsar Päkcan: "Bez kürgän çaralar häm alıp barğan aktiv säyäsät bulmasın, Awrupa Berlege belän ber rättän töp êksport bazarlarıbızdağı cayğa salınu belän bergä bulmasın, tışqı säwdäbezneñ aldıbızdağı çorda köçle üseş alaçağına ışanabız”, - dip äytte.

“Xäbärtürk” gazetı: "2 yök maşinası äyberlär, 500 çemodan belän Qatar patşası ğailäse Bodrumda!"

Qatar Ämire Şäyex Tamim bin Hamad Al Sanineñ ğailäse Bodrumdağı ber million dollarlıq yaxtaları “Katara”ğa kilde. Patşa ğailäse yaxtağa uzğannan soñ maxsus oçqıçtan töşerelgän 2 yök maşinası äyberlärdän, 500 çemodan häm dayving caylanmalarına qadär iñ küp iğ’tibarnı cälep itkän äyberlär buldı. Patşa ğailäse öçen maxsus peşekçelär, ofiśiantlar, dayving öyrätüçeläre, balalarnıñ tärbiyäçeläre, tän saqçıları häm köymä personalları belän bergä tuplam 180 keşeneñ kilüe isäplänelä.

“Yäni Şafak” gazetı "Törkiyädän sośial’ media platforması adımı"

Sanlı dönyanıñ yaña sośial’ media markası Törkiyädän çıqtı. İnnovator häm dinamik qorılışı belän iğ’tibarnı cälep itüçe yaña buın sośial’ media platforması "Yaay" tormışqa aşırıldı. Kön tärtiben häm xäbärlärne küzätep baru, döres mäğ’lümatkä ireşü, mäğ’lümat birü, beydj quşımtası kebek üzençälekläre belän törle qullanuçı täcribäsen täq’dim itüne maqsat itkän “Yaay” başqa sośial’ media platformalarındağı şaqtıy üzençälekne ber tüşäm astında cıyğan.

“Sabah” gazetı "“Formula 1” Törkiyägä qayta!"

Böten dönyadan millionlağan tamaşaçısı bulğan “Formula 1” yarışı 9 yıl aradan soñ qabat İstanbulda uzaçaq. 13-14-15nçe noyabr könnärendä oyıştırılaçaq “Formula 1 DHL Törkiyä Grand Prix”nı 20 meñe çit il keşese belän bergä 100 meñ keşeneñ qarawı kötelä. Yarışnıñ Törkiyä iq’tisadına öleşe isä 100 million dollarğa citäçäk.