Törek matbuğatına küzätü 31.08.2020
31nçe avgustta basılıp çıqqan qayber törek gazetlarına küzätü
“Xörriyät” gazetı: "İlbaşı Ärdoğan: “Törkiyä Könçığış Urta diñgezdä şantaj telenä baş iymäyäçäk"
Kiçä 30nçı avgust Ciñü bäyrämeneñ 98 yıllığı mönäsäbäte belän başqala Änkarada Törkiyä Cömhüriyätenä nigez saluçı Mostafa Kemal Atatörek yatqan Anıtkaberdä tantana oyıştırıldı. Anıtkäber maxsus däftären imzalawçı İlbaşı Räcäp Tayyip Ärdoğan: "Törkiyä, bigräk tä Könçığış Urta diñgezdä yanaw, qurqıtu häm şantaj telenä baş iymäyäçäk, xalıqara xoquqtan häm ike yaqlı kileşülär nigezendäge xaq-xoquqların saqlarğa däwam itäçäk”, - dip äytte.
“Sabah” gazetı: "Ministr Akardan qatğıylıq yullaması"
Milli saqlanu ministrı Hulusi Akar: "Qaharman törek qorallı köçläre kiçä bulğanı kebek bügen dä watanıbıznı, millätebezne häm ruxıy, mäğnävi qıymmätlärebezne, xalıqara xaq-xoqularıbıznı, mänfäğätlärebezne nindi bäyägä genä bulmasın saqlawda täwäkkäl, qatğıydır häm moña sälätleder”, - dip äytte.
“Watan” gazetı: “İlbaşı Ärdoğan söyeneçne citkerde! “Sınap qarawlarğa başlıybız””
İlbaşı Räcäp Tayyip Ärdoğan “Roketsan” iyärçen cibärü, ğaläm sistemaları häm aldınğı texnologiyalar tikşerenü üzäge belän Şartlatqıç citeşterü qorılmasın açu tantanasında çığış yasadı. Ärdoğan turıdan-turı êfirda söyeneç birep: "Milli bularaq qamilläşterelgän sıyıq yağulıq raketa motorı texnologiyasınıñ berençe ğamäl sınap qarawlarına başlayaçağıbıznıñ söyeneçen birergä telim”, - dip äytte.
“Star” gazetı: "“ATMACA” öçen waqıt bilgele buldı"
İlbaşı Räcäp Tayyip Ärdoğannıñ: “Dön’yada cirle bularaq êşläp çığara alğan 5 ildän berse bez”, - diyep işettergän Törkiyäneñ berençe cirle diñgez raketası “ATMACA” yıl axırında Törek qorallı köçläre inventarenä keräçäk.
“Xäbär Türk” gazetı: “Ayhancan Güvän Bel’giyada berençe buldı”
Törkiyäneñ iñ uñışlı motor sportları pilotlarınnan “Red Bull” sportçısı Ayhancan Güvän “Porsche Mobil 1 Supercup 2020”neñ cidençe yarışın berençe bulıp tämamladı. Yäş’lär häm sport ministrı doktor Mäxmät Möxärräm Kasapoğlu “Porsche Supercup”nıñ Bel’giya öleşen berençelek belän tämamlağan milli sportçı Ayhancan Güvänne täbrik itte.
