Törek matbuğatına küzätü 20.08.2020
20 nçe avgust könne basılıp çıqqan qayber törek gazetlarına küzätü
”Sabah” gazetı “Könçığış Urta diňgezdӓ bezgӓ yöklӓnergӓ tırışılğan Sevrga baş imibez” isemle xӓbӓrendӓ yazğança, Törkiyӓ ilbaşı Rӓcӓp Tayyip Ӓrdoğan başqala Ӓnkarada qoyaş texnologiyӓlӓre êşxanӓsen açu tantanasında çığış yasadı. Ӓrdoğan Könçığış Urta diňgezdӓge tӓrӓqqiyӓt’lӓr xaqında “Ber ğasır êlek niçek Sevr kileşüen yırtıp taşlağan bulsaq, bügen dӓ Könçığış Urta diňgezdӓ bezgӓ yöklӓnergӓ tırışılğan Sevrga baş imibez”dide.
”Vatan” gazetı ”Fuat Oktaydan Bötendönya humanitar kön yullaması” isemle xӓbӓrendӓ yazğança, Törkiyӓ ilbaşı urınbasarı Fuat Oktay kiçӓ Bötendönya humanitar kön uňayınnan sośial’ media akkauntında belderü yasap, humanitar yӓrdmnӓrdӓ lider il Törkiyӓneň cӓberlӓngӓnnӓrgӓ, qıyırsıtılğannarğa ömet buluın citkerde.
”Xörriyӓt” gazetı “Çavuşoğlu Stoltenberg belӓn söylӓşte” isemle xӓbӓrendӓ Törkiyӓ tışqı êşlӓr ministrı Mӓvlüt Çavuşoğlunıň NATO ğomum sӓrqӓtibe Yens Stoltenberg belӓn telefonnan söylӓşüen hӓm anda Könçığış Urta diňgez mӓs’ӓlӓse xaqında süz baruın xӓbӓr itӓ.
”Star” gazetı “Berӓw dӓ bezneň wӓqalӓt mӓydannarıbızğa qul suzmasın” isemle xӓbӓrendӓ citkergӓnçӓ, ênergetika hӓm tabiği çığanaqlar ministrı Fatix Dönmӓz Törkiyӓgӓ berӓwneň dӓ xaq-xoquqları hӓm mal - mölkӓte kirӓk bulmawın belderep, “Berӓw dӓ bezneň wӓqalӓt mӓydanıbızğa qul suzmasın . Ayıruça Greśiya soňğı dӓwerdӓ bu ölkӓdӓ barlığın kürsӓtӓ almağanğa kürӓ Awrupa Berlege kebek tışqı köçlӓrgӓ sıyınıp üzen aqlarğa tırışa, ӓmma şunı bik açıq ӓytӓm: Berlӓşkӓn Millӓtlӓr Oyışmasınıň xalıqara Diñgez qanunı nigezendӓ bez xaqlı”dide.
“Xӓbӓr Törek” gazetınıň “Bayraktar Akıncı keşesez höcüm hawa apparatı oçış testın uňışlı tӓmamladı” isemle xӓbӓrennӓn kürengӓnçӓ, BAYKAR şirkӓte tarafınnan cirle mömkinleklӓr belӓn êşlӓp çığarılğan Bayraktar Akıncı keşesez höcüm hawa apparatınıň ikençe prototibı ikençe oçış testın da uňışlı tögӓllӓde. Ul sınaw oçışı waqıtında urtaça 20 meň futta (yaqınça 6,1 kilometr) 2 sӓğӓt’ 26 minut hawada qaldı.
