Törek matbuğatına küzätü 18.08.2020

”Sabah” gazetı “Awrupada tӓwge  bulaçaq” isemle xӓbӓrendӓ Törkiyӓneň bӓysez ênergiya sӓyӓsӓte qısasında tağın ber zur külӓmle ênergiya investiśiyӓsen ğamӓlgӓ aşıraçağı turında yaza. Berençe cirle integral’ qoyaş panele êşxanӓse 19 nçe avgustta ilbaşı Rӓcӓp Tayyip Ӓrdoğan qatnaşında Ӓnkarada açılaçaq. Yıllıq panel’ citeşterü quӓte 500 megavatt bulaçaq êşxanӓneň barlıq êşlӓnmӓlӓren citeşterü ber tübӓ astında bulaçaq. Awrupada monıň bütӓn ürnӓge yuq.

”Yaňa Şafak” gazetı “Fatix hӓm Yavuzdan soň Kanuni da Urta diňgezgӓ çığarğa ӓzerlӓnӓ” isemle yazmasında Törkiyӓneň borawlaw êşçӓnleklӓren arttıru öçen “Fatix” hӓm “Yavuz” köymӓlӓrenӓ östӓp Kanuni isemle borawlaw köymӓse satıp aluın , Mersinnıň NATO portında köymӓne ӓzerlӓw êşçӓnleklӓre başlanuın xӓbӓr itӓ. 11 meň 400 metr tirӓnlektӓ hӓm 3000 metr borawlaw sıyfatı bulğan Kanuni köymӓse şulay uq ul’tra diňgez borawlaw köymӓse bularaq ta bilgele.

”Xörriyӓt” gazetı “7 törek şirkӓte saqlanu gigantları arasında” isemle xӓbӓrendӓ üzӓge Amerika Quşma Ştatlarında urnaşqan “Defense News” jurnalı ӓzerlӓgӓn dönyadağı  iň abruylı saqlanu sӓnӓğӓte isemlege bularaq qabul itelgӓn  "Defense News Top 100”dӓ bıyıl törek şirkӓtlӓre sanınıň 7 gӓ citüen uquçıları belӓn urtaqlaşa.

”Xӓbӓr Törek” gazetı “Êmber Xerdtan Ayasofiya fotorӓseme” isemle xӓbӓrendӓ uzğan könnӓrdӓ İstanbulğa kilgӓn amerikalı aktrisa Êmber Xerdnıň İstanbulda Kapalıçarşı bazarına, Ayasofiya hӓm Sölӓymaniyӓ mӓçetlӓrenӓ baruın citkerӓ. Ul sośial’ media akkauntında Ayasofiya rӓsemen urtaqlaşırğa da onıtmadı. 34 yӓşendӓge aktrisa Kapalıçarşı bazarında tӓmlӓtkeçlӓr dӓ satıp aldı.

”Vatan” gazetı ”Toraq satuda tarixi rekord” isemle xӓbӓrendӓ yazğança, ağımdağı yılnıň iyül’ ayında Törkiyӓ külӓmendӓ  229 meň 357 toraq satılğan.Bu isӓ uzğan yılnıň şul uq çorı belӓn çağıştırğanda 124,3%qa kübrӓk. Törkiyӓ qazna hӓm finans ministrı Bӓrat Albayrak: “Toraq satu iyül’ ayında iň yaxşı kürsӓtkeçkӓ ireşte, tarixi rekord quyıldı”,-dide.