Törek matbuğatına küzätü 14.08.2020

“Sabah” gazetı: "Ärdoğannan "Könçığış Urta diñgez” belderüe"
 

İlbaşı Räcäp Tayyip Ärdoğan kiçä “Ğädälät häm qalqınu” partiyasınıñ vilayät başlıqları cıyılışında Könçığış Urta diñgez bäxäsläre mäs’äläsendä: “Êşçänlek mäydannarıbız qıytğa kiñleklärebezdäder, härkem tınıç bulsın. Bez berkemneñ xoquqına da küz salmağanıbız kebek üz xaqlarıbıznı da yuğaltmayaçaqbız. Şow artınnan yörelmäskä tiyeş”, - dip äytte.

“Star” gazetı: "Törkiyädän anıq yullama: “Berkemneñ dä şöbxäse bulmasın”"
 

Milli saqlanu ministrı Hulusi Akar kiçä Azärbaycanda yasağan belderüendä: “Şunı anıq itep äytergä telim: uzğan yıllarda Xocalıda böten dönyanıñ küze aldında genośid yasağan, Yuğarı Qarabaxnı bernindi xoquqi säbäpkä häm legallekkä tayanmıyça yawlap alğan Ärmänstanğa qarşı böten mömkinleklärebez belän axırğaça qadär Azärbaycannıñ, Azärbaycanlı köräştäşlärebezneñ yanıda bez. Azärbaycan yalğız tügel”, - dip basım yasadı.

“Xäbär Türk” gazetı: "Ministr Päkcan: “Liviya belän mönäsäbätlärebez cähätennän bik möhim dokumentqa qul quydıq”"
 

Törkiyä häm Liviya arasında törek firmalarınıñ Liviyada alıp barğan proyektlarda yäşängän awırlıqlarnıñ çişeleşe häm tämamlana alınmağan podryadçik proyektlarınıñ däwamın täêmin itü maqsatınnan çığıp kileşü börketmäse imzalandı. Säwdä ministrı Ruhsar Päkcan: "Törkiyä belän Liviya arasında iq’tisadi häm säwdä êlemtälärebez cähätennän bik möhim dokumentqa imza saldıq”, - dip äytte.

“Watan” gazetı: "Bu robot temperaturağa qarıy, dezinfekśiyäliy, bitlek birä"
 

Orduda urnaşqan Doktor. M. Hilmi Gülär belem häm sänğät’ üzägendä wazıyfalı 6 uqıtuçı yaña tör koronavirus (Kovid-19) çaraları qısalarında temperaturanı ülçäwçe, dezinfekśiyäläwçe häm bitlek birüçe robot êşläp çığardı. Robot binağa kerüçe keşeneñ temperaturasın qarıy, annan soñ dezinfektan belän yoğışsızlandıra häm bitlek birä. Temperaturası tübän buluçılarğa işekne avtomatik bularaq açuçı robot temperaturası yuğarı buluçılarğa isä işekne açmıy häm wäqalätle zatqa xäbär sala.

“Xörriyät” gazetı: "Törkiyäneñ tübäse qotıp häm çül klimatın bergä yäşi”

İlneñ iñ yuğarı biyek noqtası buluı arqasında “Törkiyäneñ tübäse” dip belengän Ağrı tawında çül häm qotıp klimatı bergä yäşänä diyärlek. Xäzerge waqıtta taw bitendä çül klimatı yäşängän bulsa, här ber meñ metrda hawa cılılığı üzgärep, yaz häm köz fasılların xäterlätä. İlneñ iñ yuğarı noqtası bulğan häm hawa temperaturası minus 20 gradusqa xätle töşkän Ağrı tawınıñ iñ yuğarı noqtasında isä avgust ayında qış fasılı yäşänä.