Törek matbuğatına küzätü 13.08.2020
13 avgust könne basılğan qayber törek basmalarına küzätü
“Yeni Şafak” gazetı beldergänçä êçke êşlär ministrı Söläyman Soylu Marmaristän yaqınça 13 çaqrım yıraqlıqtağı Greŝiya sulıqlarında 3 keşe utırğan şäxsi köymägä utnıñ açıluı belän bäyle açıqlaw yasadı.
“Ayıruça keşe xoquqların saqlaw mäs’äläsenä ähämiyät birüçe Awrupanı Greŝiyane kisätergä häm bu ilgä küz-qolaq bulırğa çaqıram,” – dide ul.
“Star” basması yazğança Greŝiyada töp oppoziŝiyadäge Syrzia partiyase xaqimiyäte waqıtında saqlanu ministrı häm Ğomüm ştab başlığı bularaq wazıyfa başqarğan Evangelos Apostolakis “Oruç Reis” köymäse iğlan itelgän tikşerenü mäydanına kitkännän soñ başlanğan Törkiyä-Greŝiya kiyerenkelege belän bäyle açıqlaw yasadı.
Xäbärdä Apostolakisneñ tübändäge süzläre urın ala: “Greŝiya zur ixtimal belän yalğız qalaçaq. Bernindi yaq ta Greŝiya mäs’äläse arqasında Törkiyä belän mönäsäbätlären bozmayaçaq.”
“Xäbär türk” gazetı citkergänçä Kovid-19 kizüe barışında kürgän çaraları belän iğtibarnı cälep itkän İstanbul a’eroportı Xalıqara hawa mäydannarı şurası tarafınnan 24 iyul’dä başlatılğan “Aêroport sawlıq akkreditaŝiyase” programması qısalarında birelüçe sertifikatnı alğan berençe hawa mäydanı buldı.
“Xörriyät” basması franŝuz şirkäte “Imerys”nıñ tübändägeçä açıqlawına urın birä: “Törkiyädä möhim marka bulğan “Haznedar” belän bergä şirkät bularaq üskän törek bazarında urınıbıznı arttırırğa uylıybız.”
“Sabah” gazetı yazğança Antaliya vilayät’ başlığı Ersin Yazıcı şähärgä ike köndä yaqınça 40 meñ Rusiyä turistınıñ kilüen belderde.
Xäbärdän kürengänçä aldağı könne 22 meñ, kiçä 17 meñ 571 Rusiyä turistınıñ şähärgä kilüen äytkän vilayät’ başlığı: “Yaqınça 10 meñ bulğan kilüçe turist sanı kiçä 34 meñ 996ğa citte,” – dide.
