Törek matbuğatına küzätü 10.08.2020
10 nçı avgust könne basılıp çıqqan qayber törek gazetlarına küzätü
“Sabah” gazetı “Törkiyӓneň Kovid -19 platforması 8 vakśina hӓm 10 daru proyektı êşçӓnlege başqara” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň liçӓ Kocaêlindӓ yasağan çığışında Törkiyӓ fӓnni hӓm texnologik tikşerenülӓr oyışması TÜBİTAK ӓydӓp baruçanlığındağı Kovid -19 Törkiyӓ platfomasınıň 8 törle vakśina hӓm 10 törle daru proyektı östendӓ êşçӓnlek başqaruı turında ӓytüen citkerӓ. İlbaşı:“İke vakśinada xaywannardağı sınap qarawlar uňışlı tӓmamlandı. Bolardan bersen keşelӓrdӓ sınap qaraw başlandı”,-dide.
”Xörriyӓt” gazetı ”Akardan belderü” isemle xӓbӓrendӓ citkergӓnçӓ, Törkiyӓ saqlanu ministrı Hulusi Akar kiçӓ Ğıyraq çik buyında yasağan belderüendӓ “Pӓnçӓ “ operaśiyӓlӓre qısasında xӓzerge waqıtqa qadӓr 83 terrorçınıň tӓêsirsez xӓlgӓ kiterelüen citkerde. Ul ӓlege operaśiyӓlӓrdӓ şaqtıy külӓmdӓ qoral hӓm suğış kirӓk - yaraqlarınıň da qulğa töşerelüen belderde.
”Vatan” gazetı “Dönyada berençe bulıp bez êşlӓp çığardıq” isemle xӓbӓrendӓ Törkiyӓ sӓnӓğӓt’ hӓm texnologiya ministrı Mostafa Varanknıň kiçӓ Kocaêlindӓ sӓlamӓtlek saqlaw hӓm fӓnni tikşerenü üzӓklӓren açu tantanasında yasağan çığışında Törkiyӓ fӓnni hӓm texnoloik tikşerenülӓr oyışmasınıň bügenge köngӓ qadӓr zur uňışlarğa ireşüen belderep,”Sal’monella tiz diagnostika komplektın dönyada berençe bulıp bez êşlӓdek hӓm anıň patentın aldıq. Qıtay anı bezdӓn alırğa teli”dide.
”Xӓbӓr Törek” gazetı “Urta diňgez mebel’, kӓğӓz’ hӓm urman êşlӓnmӓlӓre êksportçıları assośiyӓśiyӓse 7 ayda 368 million dollar êksport başqardı” isemle xӓbӓrendӓ ӓlege assośiyӓśiyӓneň bıyılnıň 7 ayında 368 million dollar külӓmendӓ êksport başqaruın xӓbӓr itӓ. Urta diňgez mebel’, kӓğӓz’ hӓm urman êşlӓnmӓlӓre êksportçıları assośiyӓśiyӓseneň idarӓ şurası başlığı Onur Kılıçer “İyül’ ayında Franśiyӓgӓ êksportıbız 100%qa, Germaniyӓgӓ isӓ 60%qa, Amerika Quşma Ştatlarına 68%qa arttı” dide.
”Star” gazetı “Ayhancan Güven ciňü yawladı” isemle xӓbӓrendӓ Törkiyӓ avtomobil’ uzışçısı Ayhancan Güvenneň Angliyӓdӓ uzğan Porşe süper kubogında berençe urınnı yawlawın uquçıları belӓn urtaqlaşa. Ul anıň bu sezondağı 5 nçe ciňüe.
