Törek matbuğatına küzätü 06.08.2020
6nçı avgust könne Törkiyädä basılğan qayber gazetlarğa küzätü
“Xörriyät” gazetı yazğança, Törkiyä Beyrutqa yärdäm öçen xäräkät itte”
Törkiyä Livannıñ başqalası Beyrutta bulğan şartlaw säbäple mediśina kiräk-yarağı, cihazlar häm êzläw-qotqaru törkeme cibärde. Alarnı xäzerläwdä sälamätlek saqlaw ministrlığı, afät häm ğadättän tış xällär waqıtında idarä itü oyışması häm Qızılay qatnaştı.
“Vatan” gazetı ministr Varanknıñ “Kanal İstanbul strategik iminlek mäs’äläse” digän süzlären alğı planğa çığara.
Törkiyä sänäğat’ häm texnologiyä ministrı Mostafa Varank Twitter aşa yasağan belderüendä “Barıbıznıñ yörägen yandırğan şartlawğa säbäpçe 2750 tonna ammiak selitrası 6 yıl êlek Beyrutqa barışlıy İstanbul buğazınnan ütte. Möxtäräm ilbaşıbız täq’dim itüçe Kanal İstanbul proyektı ğadi närsä tügel, Törkiyä öçen strategik iminlek mäs’äläse” dide.
“Haber Türk” gazetı Şäntopnıñ Franśiyä häm AQŞqa rizasızlığı turında yaza.
Törkiyä Böyek Millät Mäclese räise Mostafa Şäntop dön’yada keşe xoquqları, ğadellek, xaqlar, xaqsızlıq xaqında söyläşä aluçı iñ soñğı däwlätneñ Franśiyä buluın belderde. “Sonğı 2 ğasırnıñ tarixı Franśiyäneñ yözendäge qaranı, mañğayındağı tapnı sörtüneñ mömkin bulmawın kürsätä,”-dide ul. Şäntop, şulay uq, AQŞnıñ neft’ şirkäte belän separatist terrorçı oyışma YPG/PKK arasındağı kileşü belän bäyle bularaq “Süriyädäge barlıq milli baylıq Süriyä xalqınıqı” dip belderde.
“Star” gazetı “Törkiyäneñ Venesuêlağa mediśinada grant yärdäme” turında yaza.
Törkiyä belän Venesuêla arasında mediśina tarmağında yärdäm itü turında kileşü Räsmi gazetada basıldı. Änkarada 11nçe iyün’dä tözelgän älege dokument nigezendä, Törkiyä Venesuêlağa 25 danä üpkä ventilyatorı, 100 meñ danä xirurg bitlege, 50 meñ danä N95 bitlege, 35 meñ danä kombinezon, 200 meñ danä perçatka häm 40 meñ danä test komplektı büläk itte.
“Yeni Şafak” gazetı xäbär itkänçä, Törkiyä qoyaş belän su cılıtuda dön’yada öçençe urında.
Qoyaş panel’läre belän êlektr ênergiyäse yasap çığaru kiñ cäyelgän waqıtta kollektorlar belän cılı su citeşterüdä Törkiyä öçençe urınğa mende. Ul Qıtay häm AQŞtan soñ kilä. Qoyaştan faydalanıp su cılıtunı cayğa salğannan soñ, Törkiyä ber yılda 200 million dollarlıq ênergiyä êkonomiyäläde.
“Yeni Şafak” gazetı “Urta diñgez häm Êgey yarlarında nemeś turistlarınıñ küpläp kilüe kötelä” dip yaza.
Germaniyäneñ Törkiyädäge Urta häm Êgey diñgeze yarlarındağı Aydın, Antaliya, İzmir häm Muğla töbäklärenä säyäxät çikläwlären beterüe kunaqxanä totuçılarnı söyenderde. Qunaqxanä idaräçeläreneñ hönäri cämğıyäte räise Ülkay Atmaca älege qarardan soñ nemeślarnın küpläp kilüen kötülären belderde.
