Törek matbuğatına küzätü 28.07.2020

“Yeni Şafak” gazetı beldergänçä Törkiyä ilbaşı Räcäp Tayyip Ärdoğan Rusiyä Federaŝiyase däwlät başlığı Vladimir Putin belän telefonnan söyläşte.

Xäbärgä kürä söyläşüdä Törkiyä-Rusiyä mönäsäbätlären nığıtaçaq adımnar qaraldı, Azärbaycan-Ärmänstan kiyerenkelege belän Süriyä häm Liviya belän ber rättän regional’ täräqqiyätlär quzğatıldı.

Ärdoğan häm Putin ike yaqlı mönäsäbätlär häm regional’ mäs’älälärdä xezmättäşlekne häm dialognı däwam itterü ölkäsendä kileşte.

“Xäbär türk” basması yazğança Törkiyä ilbaşı Räcäp Tayyip Ärdoğan Ayasofiyaneñ säcdälärgä qawışuı belän bu millätneñ qabat tuuına şahit buluların belderde.

Xäbärdä ilbaşınıñ tübändäge süzläre urın ala: “Ayasofiyaneñ qabat ğıybadätkä açıluı ilebezneñ möstäqıyl’lek xaqların qullanu mäs’äläsendäge täwäkkällelegeneñ soñğı ürnäklärennän berse.”

“Star” gazetı grek ruxani Evangelos Papanikolaunıñ: “Ayasofiyane saqlawçı töreklär bulmasa, Ayasofiya küptännän töşär ide,” – dip äytüen citkerä.

Gazet yazuınça Papanikolau töreklärneñ ütkändä Kritta çirkäw yapmawların fäqat Greŝiyada şaqtıy monastır’ häm çirkäwneñ yabıluın assızıqladı. Papanikolau: “İzge Sofiya kebek böyek qorılmanı kem saqlar ide? Töreklär saqladı,” – dide.

“Xörriyät” basması Qazna häm finans ministrı Berat Albayraknıñ tübändäge süzlärenä urın birä: “İqtisadıbız äkrenläp üsä bara. Işanıç indekslarınıñ iyul’ ayında aylık bazada xezmät tarmağında 20,2%, waqlap satuda 9,6% häm tözeeş tarmağında 11,6%ka üsüe söyenderde. Törkiyä iqtisadı belän bäyle naçar farazlar inşallah qabat döreslekkä turı kilmäyäçäk.”