Törek matbuğatına küzätü 03.06.2020
3nçe iyün’dä basılıp çıqqan qayber törek gazetlarına küzätü
“Yäni Şafak” gazetı: "İlbaşı Ärdoğan räislegendä cıyılğan Milli iminlek şurası cıyılışınnan soñ belderge yasaldı "
İlbaşı Räcäp Tayyip Ärdoğan räislegendä kiçä Milli İminlek Şurası cıyılışı ütkärelde. Cıyılıştan soñ yasalğan beldergedä terrorçılıq belän köräşkä basım yasaldı, Urta diñgezdäge xoquqi xaqlarnıñ saqlanuı häm Süriyä belän Liviya säyäsätläre assızıqlandı.
“Xäbär Türk” gazetı: "Sälamätlek saqlaw ministrı Koca Rusiyä wazıyfadaşı Muraşko belän söyläşte"
Sälamätlek saqlaw ministrı Fahrettin Koca Rusiyä sälamätlek saqlaw ministrı Mixail Muraşko belän kiçä söyläşü ütkärde. İke il sälamätlek saqlaw ministrları “Kovid-19” vakśinasın qamilläşterü mäs’äläsendä xezmättäşlek häm urtaq klinika êşçänlegen başlatu qararına kilde.
“Xörriyät” gazetı: "THY çit ilgä oçışlarğa başlıy"
Dön’yanıñ 127 ilenä yasawçı daimi yulçı oçışların 28nçe mart könne tuqtatıp torğan Törek hawa yulları (THY) êçke häm xalıqara reysların êtaplı räweştä yañadan başlata. Bayraq yörtüçe hawa yulı 18nçe iyün’nän başlap Awrupada 6 ildäge 16 şähärdän Anadoludağı 14 noqtağa turıdan-turı oçış yasayaçaq.
“Sabah” gazetı: "Törkiyädän 9 ayda 1 milliard 964 million dollarlıq çikläwek êksportı yasaldı"
Törkiyädän 9 ayda 1 milliard 964 million 965 meñ dollarlıq çikläwek êksportı yasaldı. Êksportnıñ 229 meñ 492,5 tonnası Awrupa Berlege illärenä başqarıldı.
“Star” gazetı: "Törkiyä avtomobilendä möhim alğarış"
Törkiyäneñ avtomobil’ iniśiativa törkeme (TOGG) tarafınnan êşçänlege planlaştırılğan räweştä alıp barılğan Törkiyäneñ avtomobile investiśiyası Bursanıñ Gämlik ilçäsendä salınaçaq êşxanäneñ tözeleşeneñ başlıy aluı öçen kiräkle Moxitnı saqlaw häm şähär tözeleşe ministrlığınnan êkologik yoğıntını bäyäläw xisabın uñay bularaq aldı. Zavod häm êşxanägä bäyle şähärçek tuplam 22 milliard lira kapital saluı belän tormışqa aşırılaçaq.
