Törek matbuğatına küzätü 01.06.2020
1 iyun' könne basılıp çıqqan qayber törek basmalarına küzätü
“Sabah” gazetı beldergänçä İstanbulda tözelgän Yeşilköy Prof. Dr. Murat Dilmener Ğadättän tış xastaxanäse belän restavraŝiyase tämamlanğan Hadımköy Dr. İsmail Niyazi Kurtulmuş xastaxanäse Törkiyä ilbaşı Räcäp Tayyip Ärdoğan qatnaşqan tantanalar belän açıldı.
Xäbärgä kürä Kovid-19 kizüe barışında möhim rol’ alaçaq xastaxanälär şul uq waqıtta sälamätlek saqlaw turizmı qısalarında çit il xastalarına da xezmät kürsätäçäk.
“Yeni Şafak” gazetı yazğança BBC Törkiyäneñ koronavirus belän köräşeneñ uñış xikäyäse buluın belderde.
Gazet yazuınça Bötendön’ya sälamätlek saqlaw oyışmasınıñ Törkiyä wäkile Dr. İrşad Şaix: “Törkiyä xalıq sälamätlegen saqlaw mäs’äläsendä bar dön’yağa ürnäk buldı,” – dide.
“Star” basması Törek qorallı köçläreneñ yaqınça 500 meñ keşelek barlığına qaramastan kürelgän çaralar yärdämendä dön’yada iñ äz virus oçrağı kürelgän armiyalär arasında buluın citkerä.
Xäbärdän kürengänçä Törek qorallı köçläre karantinda Amerika Quşma Ştatları, Rusiyä Federaŝiyase, Franŝiya, İtaliya häm Angliya kebek möhim armiyalärdän dä uñışlı buldı.
“Watan” gazetı “Törkiyädä bıyıl 486 playjğa zäñgär bayraq birelde” isemle xäbärendä bıyıl Törkiyädä 486 plyajnıñ zäñgär bayraq alu xoquqına ireşüen yaza.
Xäbärgä kürä zäñgar bayraq êlengän plajları belän dön’yada öçençe urında bulğan Törkiyä bu çorda säyäxättä alğı planğa çığaçaq.
“Xörriyät” basması yazğança Törek hawa yulları koronavirus arqasında tuqtalğan oçqıç säfärlären bügen qabat başlattı. Şirkät rizıqlarnı tartmalarğa quyıp birä başladı, çäy, qahwä täqdim itüne tuqtattı.
