Törek matbuğatına küzätü 29.05.2020

“Hürriyet” gazetı: “Törkiyä bik tiz ğadäti tormışqa qayta”

Törkiyädä 1nçe iyün’nän başlap şähärlärarası säyäxät çikläwläre tulısınça beterelä. Däwlät xezmätkärläre êşkä çığa. Balalar baqçaları häm yäslelär açıla. Trassalardağı yal itü urınnarı xezmät kürsätä başlıy. Sport ob’yektları tönge säğat’ 24kä qadär açıq bula. Plyajlar, milli parklar häm baqçalar bilgelängän qağıydälär nigezendä êşli.

 “Haber Türk” gazetı: “Yaxta turizmı qabat başlana”.

Kovid-19 kizüe säbäple çiklängän yaxta säfärläre iyün’ ayında êşçänlegenä qabat kereşä. Törkiyä transport häm infrastruktura ministrı Adil Karaismailoğlu bolay dide: “Kovid-19 pandemiyäse beläm köräştä citdi êtaplarnı uzğan Törkiyädä bik küp tarmaqtağı şikelle yaxta häm ağaç köymälärneñ kommerśiyä êşçänlege dä 1nçe iyün’dä başlanaçaq”

“Sabah” gazetı: “Törkiyädä futbol ligaları 12nçe iyün’dä başlana”

Kovid-19 kizüe säbäple 26nçı atna matçlarınnan soñ tuqtap qalğan Super Ligada dulqınlandırğıç könnär qabat başlana. Törkiyä futbol federaśiyäse kiçäge cıyılışta sezonnı 12nçe iyün’nän däwam itü qararı çığardı. Ul 27nçe atna oçraşuları belän başlanaçaq.

“Yeni Şafak” gazetı: “Mêt’yu Brayza: Tramp Ärdoğannan ürnäk alsın”

AQŞnıñ êlekkege Awrupa-Awraziyä mönäsäbätläre öçen cawaplı tışqı êşlär ministrı urınbasarı Mêt’yu Brayza Törkiyäneñ koronavirus belän uñışlı köräşüen belderde. Ul Donal’d Trampnıñ ilbaşı Räcäp Tayyip Ärdoğannan ürnäk alırğa kiräklegen äytte. Brayza Törkiyäneñ kizü belän köräşkän arada iq’tisadın da cimergeç täêsirlärdän saqlawına iğ’tibarnı cälep itte. Anıñ äytüençä, AQŞ häm bik küp Awrupa däwläte moña ireşä almadı.  

“Star” gazetı: “Törkiyä QKHAları  êlektron suğışqa qarşı bik köçle”.

Sonğı waqıtlarda bik populyar bulğan Törkiyä qorallı keşesez hawa apparatları (QKHA) êlektron suğışqa qarşı kürsätkeçläre belän alğa çığa. Alar êçke iminlek operaśiyälärennän tış, Süriyä, Ğıyraqnıñ tön’yağı, Urta diñgez, Êgey diñgeze häm Liviyädä üzen kürsätä.