Törek matbuğatına küzätü 28.05.2020
28 may könne basılıp çıqqan qayber törek basmalarına küzätü
“Watan” gazetı beldergänçä Törkiyä ilbaşı Räcäp Tayyip Ärdoğan kiçä Demokratiya häm İreklär utrawınıñ açılış tantanasında “Fatix” zondaj köymäseneñ 29 mayda İstanbul buğazınnan uzıp, yaña zondajlar öçen Qara dingezgä yul totaçağın citkerde.
“Xäbär türk basması Törkiyäneñ Sänägät’ häm texnologiya ministrı Mostafa Varanknıñ kiçä Kayseri Sänägät’ palatası kiñäşmä cıyılışında videokonferenŝiya aşa qatnaşuın citkerä.
Xäbärgä kürä ministr Varank yasağan açıqlawında Törkiyäneñ meñnän artıq sulış alu cihazı êksportlawın äytte.
“Sabah” gazetı yazğança İstanbul aêroportı “LEED” sertifikatın aldı. Amerikan Yäşel Bina Şurası İstanbul hawa mäydanı terminalen dön’yanıñ iñ zur LEED sertifikatlı binası bularaq terkäde.
“Star” basması Törkiyä yarlarına yaqın Greŝiya utrawlarında êşçänlek kürsätüçe yaxta agentlıklarınıñ koronavirus kizüe arqasında kürelgän çaralar qısalarında Törkiyä belän yabılğan diñgez yullarınıñ qabat açıluın teläwen yaza.
“Yeni Şafak” gazetı beldergänçä bar dön’yanı teträtkän koronavirus kizüendä Törkiyädä kürelgän çaralar yärdämendä ülem küläme häm oçraq sanı könnän-kön azaya bara.
Gazet yazuınça här yıl millionnarça turist kilgän yal itü urınnarında qunaqxanä iyäläre yaña qağıydälärgä kürä äzerlek başqara. räsmi zatlarğa kürä aldan yasalğan rezervaŝiyalärneñ kiçekterelüe turistlarnıñ Törkiyädän waz kiçmäwen kürsätä.
