Törek matbuğatına küzätü 27.05.2020
27 nçe may könne basılıp çıqqan qayber törek gazetlarına küzätü
”Sabah” gazetı “Xafterga yaqlaw kürsӓtüçelӓr yalğış yaqta” isemle xӓbӓrendӓ Törkiyӓ ilbaşı idarӓse süzçese İbrahim Qalınnıň kiçӓ “France 24” kanalında Liviyadağı soňğı tӓrӓqqiyӓt’lӓr xaqında belderülӓr yasawı turında yaza. Qalın “Franśiya hӓm haman da Xafternı yaqlağan hӓrkem Liviyadağı bӓreleşneň yalğış yağında”dide.
”Xörrriyӓt” gazetı “Törkiyӓ Tön’yaq Kipr Törek Cömhüriyӓteneň yanında bulunı dӓwam itterӓçӓk” isemle xӓbӓrendӓ yazğança, Törkiyӓ ilbaşı urınbasarı Fuat Oktay kiçӓ Törkiyӓ belӓn Tön’yaq Kipr Törek Cömhüriyӓte arasında “İq’tisadi hӓm finans xezmӓttӓşlek kileşüenӓ qul quyu tantanası”na videokonferenśiya yulı belӓn qatnaştı.Ul kizüdӓn soň tormışnı cayğa saluğa ӓzerlӓngӓndӓ Törkiyӓneň Tön’yaq Kipr Törek Cömhüriyӓteneň yanında bulunı dӓwam itterӓçӓgen assızıqladı.Oktay:“Tön’yaq Kipr Törek Cömhüriyӓten totrıqlı iq’tisadqa ireşterü öçen kirӓkle adımnarnı citdi rӓweştӓ hӓm waqıt ӓrӓm itmiçӓ yasawda qatğıybız”,-dide.
”Star” gazetı “Sӓlamӓtlek saqlaw ministrlığı Koca: sӓlamӓtlӓngӓn keşe sanında artış bar” isemle xӓbӓrendӓ Törkiyӓ sӓlamӓtlek saqlaw ministrı Fahrettin Kocanıň tvitter akkauntında tübӓndӓgelӓrne citkerüen belderӓ:”Kovid -19 dan dӓwalanıp sawığıp çıqqan keşe sanında zur külӓmdӓ artış bar. Reanimaśiyӓdӓ yatuçı hӓm yasalma sulış aldıru apparatına totaştırılğan xasta sanında da kimü küzӓtelӓ. Bu 83 million keşeneň urtaq nӓticӓse. Yaňa yӓşӓw rӓweşebez – ictimaği ,sośial’ tormışnı kontrol’dӓ totu hӓm saqlıq çaraların ütӓw”.
”Yaňa Şafak” gazetı “Törkiyӓdӓn tağın ber ilgӓ yӓrdӓm“ isemle xӓbӓrendӓ Törkiyӓneň Kovid -19 belӓn körӓş qısasında Çadka mediśina ӓyberlӓre hӓm aşığıç yӓrdӓm maşinası cibӓrüen xӓbӓr itӓ. Yӓrdӓm paketlarına Mӓvlana Celaleddin-i Rumineň ”Ömetsezlek artında küp ömetlӓr bar, qaraňğılıq artında qoyaş bar” digӓn süzlӓre törek hӓm ingliz tellӓrendӓ yazıldı.
“Xӓbӓr Törek” gazetı “Fatix borawlaw köymӓse ӓzer” isemle xӓbӓrendӓ Törkiyӓ ênergetika hӓm tabiği çığanaqlar ministrı Fatix Dönmӓzneň “Fatix” borawlaw köymӓseneň Qara diňgezgӓ küçü öçen soňğı ӓzerlek êşlӓren tӓmawlawı urında ӓytüen citkerӓ. Dönmӓz: ”Fatix” 29 nçı mayda İstanbulnıň ciňep alınuı könendӓ Qara diňgez sӓfӓre öçen xӓrӓkӓt itӓçӓk”,- dide.
