Törek matbuğatına küzätü 22.05.2020
22nçe may könne çıqqan qayber törek gazetlarına küzätü
“Hürriyet” gazetı: “İlbaşı Ärdoğannıñ zur xastaxanä açılışında yullaması”
İstanbul Başakşehir Çam häm Sakura şähär xastaxanäse kiçä açıldı. Tantanada ilbaşı Räcäp Tayyip Ärdoğan çığış yasadı. Ul: “Bu sälamätlek turizmında Törkiyäneñ markalarınnan berse bulaçaq. Xalqıbızğa häm İstanbul aêroportına yaqın buluı säbäple çit il qunaqlarına da xezmät kürsätäçäk. Bu şunı añlata: İstanbul xalıqara sälamätlek saqlaw üzäge xälenä kilde,”-dip söyläde.
“Sabah” gazetı: “İlbaşı êlemtä idaräse başlığı Altun “Washington Times”qa yazdı”
Fäxretdin Altunnıñ älege gazetta “Törkiyäneñ strategiyäse koronavirus kizüeneñ yulın üzgärtte” dip ataluçı mäqaläse basıldı. Anda ilneñ Kovid-19 belän köräşe añlatıla.
“Haber Türk” gazetı: “Tışqı êşlär ministrlığınnan Xafterğa rizasızlıq”
Tışqı êşlär ministrlığı süzçese Hami Aksoy Liviyädä Törkiyä mänfäğat’lärenä qarşı ğamäl qılınsa, monıñ näticäläre bik awır bulaçağın belderde.
“Vatan” gazetı: “Törkiyä belän Greśiyä arasında xezmättäşlek”
Törkiyä mädäniyät häm turizm ministrı Mäxmät Ärsoy belän Greśiyä turizm ministrı Xaris Teoxaris söyläşte häm Êgey dingezen yal itüçelärgä imin yünäleş bularaq alğa çığaru öçen urtaq tanıtu kampaniyäse yasarğa kileşte.
“Star” gazetı: “Marmaraydan uzuçı täwge êksport poyızdı Sakariyadan quzğala”
Sakariyanıñ Arifiyä stanśyäsennän yuğla çıqqan blok poyızdı Törkiyädä citeşterelgän avtomobil’ detal’läre häm könküreş texnikasın taşıy. Ul Marmaray yulın qullanıp turıdan-turı Awrupağa kitäçäk.
