Törek matbuğatına küzätü 21.05.2020

“Sabah” gazetı: "Çavuşoğlu Rus wazıyfadaşı Lavrov belän söyläşte"

Tışqı êşlär ministrı Mäwlüt Çavuşoğlu kiçä Rusiyä tışqı êşlär ministrı Sergey Lavrov belän telefonnan söyläşte. Diplomatik çığanaqlardan alınğan mäğ’lümatkä kürä, söyläşü waqıtında yaña tör koronavirus (Kovid-19) kizüe, turizm häm regional’ mäs’älälär quzğatıldı.

“Xörriyät” gazetı: "Ministr Akar açıqladı: 1411 terrorçı täêsirsez xälgä kiterelde"

Milli saqlanu ministrı Hulusi Akar, Süriyädä häm Ğiraqnıñ (Ğıyraqnıñ) tön’yağında terrorçılıq belän köräşneñ tuqtawsız däwam itüen belderep, 1nçe ğinwardan birle 1411 terrorçınıñ täêsirsez xälgä kiterelüen äytte.

“Xäbär Türk” gazetı: "İlbaşı idaräse süzçese Qalınnan İzrailneñ annekśiya planına reakśiya"

İlbaşı idaräse süzçese İbrahim Qalın İzrailneñ annekśiya häm yawlap alu planına reakśiya kürsätte. Qalın: "İzrailneñ Yordannıñ Könbatış üzänlegen üz cirlärenä quşu planın kire qağabız häm dönyanı üz totışın kürsätergä çaqırabız. Törkiyä Fälästin cirläreneñ yawlap basıp alınuı häm annekśiyälänelüe säyäsätenä qarşı yasalaçaq böten adımnarnı yaqlıybız”, - dip belderde.

“Star” gazetı: "Ministr Kocadan açıqlawlar"

Sälamätlek saqlaw ministrı Fahrettin Koca yaña tör koronavirusqa (“Kovid-19”ğa) qarşı kürelgän çaralarnıñ cämäğät’çelek tarafınnan qabul itelüen äytte. Ministr Koca kiçä ütkärelgän Belem şurası cıyılışınnan soñ yasağan matbuğat belderüendä koronavirusqa qarşı köräşneñ soñğı çornıñ iñ zur mobilizaśiya bulaçağınä basım yasadı. Koca: "Awıru oçrağı ber meñnän kimräk bulğan çaqta bu azayu soñğı uñışnıñ işarät fakelı bulaçaq”, - dip äytte.

“Watan” gazetı: "May ayı satıp aluçı ışanıç indeksı açıqlandı"

Törkiyä statistika oyışması may ayına qağılışlı satıp aluçınıñ ışanıç indeksın açıqladı. Satıp aluçı ışanıç indeksı may ayında monnan aldağı ayğa qarağanda 8,5% külämendä arttı, aprel’ ayında 54,9 bulğan indeks may ayında 59,5 buldı.